اسلام آباد۔ 04 جنوری (اے پی پی) بنجائی وزیر چاگڑدی بدلی سینیٹر شیری رحمان پارینے کہ ملکی زرگزران ءِ بھس کننگ نا ڈوہ اٹی ہرافتا برخلاف ریڈ وارنٹ جاری مروئی ئسک اوفک حکومت نا برخلاف وائٹ پیپر جاری کرینو، داہموفک ءُ ہرا تینا چارسال انا بدترین دور ءِ اقتدار نا حساب ءِ تننگ کن تیار افس۔ چارشنبےنادے آ تینا اسہ ٹویٹ اسے ٹی اوپارے کہ تحریک انصاف ساڑی حکومت نا 8 تُو انا کارکڑد آ وائٹ پیپر جاری کرینے ، داہموفک ءُ ہرا 4 سال ملک آ کوزہ کننگ آن پد پارہ ننتون ہچ ءُ اختیار اس اَلوکہ، حکومت ءِ پین اس چلیفیکہ، ملک ءِ ژند و حکومت ءِ وامدار کروک آک اسہ باہ اتون وائٹ پیپر جاری کننگ اٹی ءُ؟ شیری رحمان پارے کہ ہراجاگہ غا پی ٹی آئی ملک ءِ سرکریسس ہموکان پیش تمنگ اٹی 8 تُو آخا کیہی سال لگک، 1 کروڑ نوکری و 50 لکھ اُرا دیر ءِ ملا، وام ہلپرہ پاروک آک ملکی وام تیٹی 70 درسد ودکی انت اکن کریر، کرپشن نا بیانیہ جوڑ کروک آ ک تینٹ کرپشن اٹی نابود انت کن مسر؟ او ملکی زرگزران ءِ توشہ خانہ تکسا لُٹار، اوفتا وائٹ پیپر’’چور مچائے شور‘‘ آنبار ءِ۔
