اسلام آباد۔4جنوری (اے پی پی):متحدہ عرب امارات ءَ پاکستان ءِ سفیر فیصل نیاز ترمذی ءَ گوشتگ کہ متحدہ عرب امارات ءُ پاکستان ءِ نیام ءَ تاریخی یکوئی است انت، پاکستانی متحدہ عرب امارات ءَ را وتی دومی گس پھم ائیت، دوئیں ملک آنی نیام ءَ کمک ءِ بے کساس موہ است انت وھدیکہ جغرافیائی واھشت یکجائی ءَ کار کنگ ءِ جوانیں موہ پجاری کن اَنت۔ ابوظہبی ءَ ایریٹس نیوز ایجنسی ءَ را یک ھاسیں گلگدارے ءَ آئیءَگوشت کہ دو نیمگی تجارت گوستگیں سالءِ کساس 10.6 بلین امریکی ڈالر ءَ چہ گیش بوھان ءَ دو سرئی بوھگ ءِ امیت انت۔ گوستگیں کیلنڈر سال ءِ ساھت ءَ یو اے ای ءِ گوما پاکستان ءِ تجارت ءِ کساس رودراتکی ءُ گوریچانی افریقہ ءِ پڑ ءَ درستاں چہ بوتگ ایشی ءَ چہ ابید ایشی ءَ گیش گیشی ءِ گنجاشک است انت۔ آئی ءَ گوشت کہ من ءَ منی ملک ءِ سیاسی سروک آں تجارت ءَ را ودینگ، کاروباری موہ آناں دیمروئی دیگ، سرمایہ کاری ءُ پاکستان ءُ متحدہ عرب امارات ءِ نیام ءَ دو د ءُ ربیدگی رابطہ ءَ را ودینگ ءِ کار داتگ۔ آئی ءَ گوشت کہ متحدہ عرب امارات ءُ پاکستان ءِ نیام ءَ تاریخی یکوئی است۔ پاکستانی متحدہ عرب امارات ءَ را وتی دومی گس پھم انت۔ دوئیں ملک آنی نیامءَ نزیکیں جغرافیائی دوستی ءُواھگ یکجائی ءَ کار کنگ ءِ جوانیں موہ ءِ پجاری کن انت۔ سفیر ءَ گوشت کہ کساس 1.6 ملین پاکستانی متحدہ عرب مارات ءَ نندوک انت ءُ 21 ۔ 2020 ءِ ساھت ءَ آئی ءَ 6.11 بلین ڈالر روان داتگ۔ آئی ءَ گوشتکہ پاکستان ءَ متحدہ عرب امارات ءِ گوما ٹوھیں اقتصادی شریکداری ءِ منوگری (سی ای پی اے) ءِ سر ءَ گپءُ تران بندات کتگ ءُ امیت انت کہ سال ءِ گڈ ءَ اے رد ءَ ارزشتی ایں دیمروئی گامگیج بیت۔ ما اے رد ءَ کار کنگ ءَ انت اے گپ باز ارزشتی انت۔ پاکستان ءِ وزارت ءِ تجارت متحدہ عرب امارات ءَ سیادی داروکیں کارندہ آنی گوما رابطہ انت۔ فیصل نیاز ترمذی ءَگوشت کہ متحدہ عرب امارات پڑ ءَ پاکستان ءِ درستاں چہ مستریں تجارتی شریکدار انت۔ اقتصادی شریکداریءِ ٹوھیں منوگری سی ای پی اے دوئیں ملک آناں وتی وت مہ وتی تجارتءَ را بازیں کساس ءَ ودینگ ءِ موہ پجاری کنت۔ انوگ ءَتاں متحدہ عرب امارات ءَ سئے ملک آنی گوما منوگری ءِ سر ءَ دست چنگل جتگ۔ سفیر ءَ سئے شوبگ آں ھوار آئی ٹی، فنٹیک ءُ سٹارٹ اپس ءِ سر ءَ چمشانگ دات آھوادا پاکستان ءُ متحدہ عرب امارات گیش کمک کت کناں۔ آئیءَ گوشت کہ گوستگیں سال ءَ اے شوبگ آنی تہءَ مئے برآمدات گیش بوھان ءَ 3 بلین امریکی ڈالر ءَ تاں پج اتنت۔ مئے کرا بلدکاریں مردم ءُ نوکیں اسٹارٹ اپس است انت۔ متحدہ عرب مارات ءُپاکستان ءِ نیام ءَ گیش کمک ءِ بے کساس موہ است انت۔ سفیر ترمذی ءَ گوشت کہ متحدہ عرب امارات ءَ پاکستان ءَ سیلاپ ءَ چہ آماچیں دمگ آنی تہءَ بنی آدمی بنیات ءَ مزن دلی ءَ گوں کمک پجاری کتگ ایشی ءِپد ءَ صدر شیخ محمد بن زاید النہیان ءِشگر ءُ منت واری ءَ گراں۔ متحدہ عرب امارات ءَ سیلاپ ءِ ساھت ءَ آماچیں مردم آنی کمک کتگ، آئیءَگوشت کہ کمکی سامان آنی 70 بالیگ ءِ کچ ءَ بالیگ پاکستان ءَ اتکگ۔ آئی ءَ گوشت کہ ھور ءُ ھار ءِ آماچیں دمگ آنی تہءَ برجائی کار دومی فیز ءَ داخل بوھگ ءَ انت۔ اے رد ءَ 9 جنوری ءَ کلائمیت ریزیلیئنٹ پاکستان ءِ بن گپ ءِ سر ءَ یک میاں اوستمانی کانفرنس ءِ بندات ءَ کنگ ءَ انت تانکہ سیلاپ ءَ چہ پد نوک سر جوڑیشت ءِ و استہ میاں اوستمانی برات آنی کمک ءَ را برجا کنگ بہ بیت۔ کانفرنس ءِ یکجائی سروکی ملک ءِ مزن وزیر محمد شہباز شریف ءُ یونائیٹڈ نیشن ءِ سیکرٹری جنرل انتونیو گو ٹیرس کنت۔ اے کانفرنس آماچیں مردم آنی زندمان ءُ معاش ءِ برجائی ءِ واستتہ یک ٹوھیں کساس ءَ نوک سر جوڑیشت ءِ کوشست بیت۔ آئی ءَ گوشت مہ متحدہ عرب مارات موسمی مٹ ءُ بدلی ءَ گوں گر ءُ چیل بوھگ ءِ کوشت ءِ سروکی ءَ کنگ ءَ انت۔ ھمے وڑ کہ آ نومبر 2023 ءَ کاپ-28 ءِ میزبانی ءَ کنت۔ آئی ءَ گوشت کہ پاکستان ءَ میاں اوستمانی گرین ہاوس گیس آنی یلو بوھگ ءِ رد ءَ 1 درسد ءَ چہ کم انت وھدیکہ موسمی مٹ ءُ بدلی ءِ رند پد آں چہ آماچیں درستاں چہ مستریں ملک انت۔ آئی ءَ گوشت کہ گروپ 77 ءِ سروک ءِبستار ءَ پاکستان ء۔ شرم الشیخ موسمی مٹ ءُ بدلی کانفرنس کاپ – 27 ءَ تاوان ءُ ڈکال ءِ فنڈ ءِبرجائی ءِ جیڈھ ءِ سر ءَ دیمروئی گام جتگ، ما اے گپ ءَ را دیم ءَ جنزیناں کہ ھما ملک موسمی مت ءُ بدلی ءِرند پد آں چہ سک بازآماچ بوتگ آوانی جیڈھ آناں گیوار کنگ بہ بیت۔ سفیر ءَ گوشت کہ متحدہ عرب امرات ءَ ساپ ءُ سلہ ایں ھاٹیگ ء، شوبگ ءَ گیشی در جتگ۔ آ ٹیکنالوجی ءُ سولر، گوات یا دگہ دومیگ لائک ءِ مٹ ءُ بدلی وڑیں منصوبگ آنی تہءَ سرمایہ کاری کنگ ءَانت۔ آئیءَ گیش گوشت کہ پاکستان متحدہ عرب امارات ءِ گوما یکجائی ءَ کار کنگ ءَ انت ءُ باز زوتاں سول ءُ تران ءِ آسر دیم ءَ گندگ بوھگ ءَ انت ایش دوئیں ملکآنی نیام ءَ پیسر ءَ چہ بندات بوتگ انت۔ آئیءَگوشت کہ مااماراتی جاہمندگ بوھگ ءَ ھوار ایندگر راج آناں پاکستان ءِ تر ءُ تاب کنگ ءُ بازیں جاہ ، ملک ءِ شر رنگی ءُ درستاں چہ ارزشتی ایں گپ ایش انت کہ وتی گوں پر مڈائی ءَ انجاوائے کنگ ءِ ھیل کاری دیاں۔
