اسلام آباد۔3جنوری (اے پی پی): بنجاھی وزیر اھوالکاری ءُ شنگ کاری مریم اورنگزیب ءَ گوش ت کہ اچ وائٹ پیپر عمران خان ءِ سیاھکاری آناں چیر دات نہ کنت، سیاھیں دماگ ، سیاھیں کار ءُ کرد ءُ کالا جادو کنوک مسٹر اینڈ مسز ءَ ملک ءَ را معاشی ڈکال ءِ سیم سر آناں پجارینتگ، مسلم لیگ ن ءِ حکومت 2018 ءَ 6.1 درسد ءِ سر ءَ دیمروئی کنت، ملک ءَ را یل کتگ ملک جھل کپتگ بوتگ۔ گران بھائی ءِ کساس 3.8 درسد کم تریں تک ءَ بوتگ، 14 ہزار میگاواٹ توان جوڑ کتگ ءُ شتگ آں، ناشرکاری ءِ سرین پروشتگ ءُ پاکستان ءَ راایمنی، وشھالی ءُ دیمروئی کنوکیں ملک ءِ یل کتگ ءُ شتگ بوتگ، توامیں میاں اوستمانی ھالتاک آں پاکستان ءِ معیشت ءَ را پڑے برزتریں معیشت نامینگ ءَ انت۔ عمران خان ءَر ا وت وائٹ پیپر ءِ تہ ءَ بہ گوشتیں آئی ءَ را کجام رنگ ءَ ملک میراس ءَ رستگ بوتگ۔ الس ءَ را کئے گوشیت کہ عمران خان ءِ دور ءُ باریگ ءَ گران بہائی 15 درسد ءَ تاں پج اتگ۔ عمران خان وتی دور ءَ بوھوکیں معاشی تباہی ءِ تران کجام رنگ ءَ وائٹ پیپر ءِ تہ ءَ درج کنت۔؟ سئے شمبے ءَ ادا پاکستان تحریک انصاف ءِ چیئرمین عمران خان ءِ گشتانک ءِ پسو ءَ ھیال آنی درشان ءَ کنان ءَ بنجاھی وزیر اھوالکاری ءَ گوشت کہ عمران خان ءَ پاکستان ءِ الس ءُ معیشت ءَ را تباہ کتگ سیاھیں کرد ءُ کار ءُ کالا جادو کنوکیں مسٹر اینڈ مسز ءَ ملک ءَ را معاشی ڈکال ءِ سیم سر آں تاں پجارینتگ۔
