لیبی آں راجءَ را وشی داتگ، ملکئِ نام بُرزءُ بلند کتگ
اسلام آباد۔15مئی (اے پی پی) ھال ءُ اھیوالکاری ءُ شنگکاری راجی ورثہ مریم اورنگزیب ئَ راجی کرکٹ ٹیم ئَ را ویسٹ انڈیزئِ ھلاپ ئَ باج برگئِ سرئَ مرادبات داتگءُ گشتگ کہ پاکستان ئَ ویسٹ انڈیز ئِ تہا اولی رندئَ ٹیسٹ سیریز ئِ تہا باج بُرتگءُ راج دپترئِ تہا وتی نام نبشتہ کتگ کہ ایشیئِ سرئَ دراھیں لیبی ءُ ٹیم انتظامیہ مرادبات ھقدار اَنت۔ دوشمبے ئِ روچئَ وتی بیانئِ تہا ھال ءُ اھیوالکاری ئِ بنجاھی وزیر مریم اورنگزیب ئَ گشتگ کہ راجی کرکٹ ٹیم ئِ لیبی آنی کردلکھ ستاھ کرز اَنت۔ لیبی آں راج ئَ را وشی داتگءُ ملکئِ نام سربلند کتگ۔ آئی ئَ گشتگ کہ محنت، جزم ءُ جزبگ ئِ گوما کجام ھم کارے کنگ بہ بیت اللہ تعالیٰ سوبمند کنت۔ آئی ئَ گشتگ کہ مصباح الحق ءُ یونس خانئِ زندانی تہا یک دگہ سوبمندی ئِ گیشی بوتگ۔ آئی ئَ گشتگ کہ مزن وزیر محمد نواز شریف ئِ سروکی ئَ لیبانی گیش کنگئِ ھاترئَ دراھیں ضلوری گامیگج کنگ بوھگئَ اَنت۔ حکومت لیبی آنی دلبڈی ءُ آسراتی پھجارینگ ئِ ھاترئَ ھمک تک ئَ کار کنگئَ اِنت۔
