السی راجی آسراتی کن آب اٹ دوائی تا بے سلنگ آن فراوانی حکومت نا اولیت ءِ، بنجائی وزیر جان جوڑی عبدالقادر پٹیل

اسلام آباد۔ 03 جنوری (اے پی پی) بنجائی وزیر قومی جان جوڑی عبدالقادر پٹیل پارینے کہ حکومت الس ءِ ریلیف نا بارواٹی گچین گام گیج آتے پک کننگ کن سنبرینگوک ءِ، السی راجی آسراتی کن آب اٹ دوائی تا بے سلنگ آن فراوانءِ پک کننگ ننا اولیت ءِ۔ سے شنبے نادے آ میڈیا تون گپ وتران کرسا عبدالقادر پٹیل پارے کہ 20 دوائی تا نہاد آتیٹی کمتی نا سفارش ءِ ہلسا بنجائی کابینہ نا دیوان آ ہِننگ اٹی اُٹ، دا سمری نا زیات تر دوائی تا نہاد آتیٹی 30 درسد کمتی نا سفارش کننگانے، چندی ناجوڑی تیٹی کاریم اٹ اتوک آ دا دوائی تا نہاد آتیٹی کمتی مخلوقءِ ریلیف فراوان کننگ نا کنڈا اسہ پین گام اسے۔ اونا پاننگ ئس کہ بلڈ پریشر، کینسر  و خن تا ناجوڑی ٹی کاریم اٹ اتوک آ دوائی تا نہاد آتیٹی کمتی نا سفارش ءِ، مستین اٹ پی ٹی آئی نا حکومت دوائی تا نہاد آتیٹی ہفت سد درسد  اسکان ودکی کرے وخت اس کہ ننا اولیت السی راجی آسراتی کن آب اٹ دوائی تا بے سلنگ آن فراوانی ءِ۔