اسلام آباد۔ 03 جنوری (اے پی پی) الیکشن کمیشن تحریک انصاف نا چیئرمین عمران خان و ایلوفتا برخلاف توہین الیکشن کمیشن کیس اٹی دوبہ دار آتا پیشی آ بفننگ آ ترندی نا درشانی ءِ کرسا بروک آ سماعت آ عدم حاضری آ وارنٹ جاری کننگ نا فیصلہ کرینے۔ الیکشن کمیشن نا چار باسکی بنچ سے شنبےنادے آ مسکوہی وزیراعظم و تحریک انصاف نا چیئرمین عمران خان، اسد عمر و فواد چوہدری نا برخلاف توہین الیکشن کمیشن کیس انا سماعت کرے۔ عمران خان ، اسد عمر و فواد چوہدری آن اسہ دوبہ دار اس ہم پیش متو ہراڑا بنچ ترندی نا درشانی ءِ کرسا پارے کہ چارتُو مسنے وخت اس کہ دوبہ دار آک بنچ انا مون آ پیش مفننگ ءُ بنچ عمران خان نا میڈیکل سرٹیفکیٹ و شوکاز نوٹس نا ورندی ءِ جمع کرفنگ نا پارت کرسا سماعت ءِ 17 جنوری اسکان پدبٹے۔ بنچ بروک آ سماعت آ پیشی آ بفننگ نا دروشم اٹ دوبہ دار آتا وارنٹ جاری کننگ نا ہم فیصلہ کرے۔
