اسلام آباد۔ 03 جنوری (اے پی پی) مچ آ ملک اٹی تدوک آ 24 گھنٹہ ٹی 3 ہزار 744 کورونا ٹیسٹ کننگانے۔ سے شنبے نادے آ نیشنل انسٹیٹیوٹ آف ہیلتھ (این آئی ایچ ) نا کنڈآن جاری حساب وکتاب نا رداٹ تدوک آ 24 گھنٹہ ٹی3 ہزار 744 کورونا ٹیسٹ کننگا ہرافتیان 15 بندغ آتا کورونا ٹیسٹ مثبت بسنے۔ ہندا وڑ دا مد اٹی مثبت کورونا ٹیسٹ انا کچ 0.40 درسد مسنے۔ داکان بیدس داوخت آ کورونا دین آن اسہ ناجوڑ اس ہم زوال کتنے وخت اس کہ 25 ناجوڑ آتا حالیت نازرک ءِ۔ مچ آملک اٹی چندی شارتیٹی تدوک آ بیست ءُ چار گھنٹہ ٹی کروک آ ٹیسٹ آتیان اسلام آباد اٹی 748 ٹیسٹ کننگا ہرافتیان 5 بندغ آتا ٹیسٹ مثبت بس و ہموڑے مثبت کیس آتا کچ 1.05 درسد ئس، لاہور اٹی 368 ٹیسٹ آتیان 2 بندغ آتا ٹیسٹ مثبت بس و ہموڑے مثبت کیس آتا کچ 0.54 درسد ئس وخت اس کہ پشاور اٹی 368 ٹیسٹ آتیان 2 ٹیسٹ مثبت بسر وخت اس کہ ہموڑے کچ 0.54 درسد ئس۔
