اسلام آباد۔ 03 جنوری (اے پی پی) بنجائی وزیر قومی جان جوڑی عبدالقادر پٹیل پارینے کہ کابینہ 20 دوائی تا نہاد آتیٹی کمتی نا منظوری ءِ تسنے، چندی ناجوڑی تیٹی کاریم اٹ اتوک آ دوائی تا نہاد آتیٹی کمتی مخلوق ءِ ریلیف فراوان کننگ نا کنڈا اسہ اہم ءُ گام اسے۔ سے شنبےنادے آ وزارت قومی جان جوڑی آن جاری بیان نا رداٹ بنجائی وزیر جان جوڑی عبدالقادر پٹیل پارے کہ کابینہ 20 دوائی تا نہاد آتیٹی کمتی نا منظوری ءِ تس، زیات تر دوائی تا نہادآتیٹی کمتی 30 درسد مس۔ اوپارے کہ چندی ناجوڑی تیٹی کاریم اٹ اتوک آ دوائی تا نہاد آتیٹی کمتی مخلوق ءِ ریلیف فراوان کننگ نا کنڈا اسہ پین گام اسے۔ بلڈپریشر، کینسر و خن تا ناجوڑی تیٹی کاریم اٹ اتوک آ دوائی تا نہاد آتیٹی کمتی کننگانے۔ بنجائی وزیر پارے کہ 54 پوسکن آ دوائی تا نہاد آتے فکس کننگ نا ہم منظوری ءِ تننگانے۔ اوپارے کہ دا پوسکن آ دوائیک کینسر و چندی ناجوڑی تیٹی کاریم اٹ اتنگرہ۔ حکومت الس ءِ ریلیف تننگ کن گچین گام گیج آتے پک کننگ کن سنبرینگوک ءِ۔ بنجائی وزیر پارے کہ مستین اٹ پی ٹی آئی نا حکومت دوائی تا نہاد آتیٹی ہفت سد درسد اسکان ودکی کرے۔ ڈریپ اٹی میرٹ و شفافیت نا نظام ءِ مون آ دننگ کن سنبرینگوک ءِ۔ الس نا راجی آسراتی کن آب اٹ دوائی تا بے سلنگ آن فراوانی ءِ پک کننگ ننا اولیت ءِ۔ جان جوڑی نا بشخ اٹی گچینی کن عملی گام گیج برجاءِ۔ الس نا خذمت و اوفتے طبی آسراتی تا فراوانی ننا حقی مشن ءِ۔
