اسلام آباد۔ 02 جنوری (اے پی پی) بنجائی حکومت اولیکو پنچ تُو اٹی سرکاری بشخ انا شونداری پروگرام تیٹی بنجائی وزارت و ڈویژن نا راجی بشخ انا گچینی نا چندی برجا و پوسکن آ ڈٹ آتیکن جتا 727 ارب روپئی آن 224.5 ارب روپئی نا شونداری فنڈ آتا کاریم اٹ اتنگ نا موکل تسنے۔ کل مجاز/بشخنگوک زرآن ، ہندا مد اٹی شونداری ڈٹ آتیا داتم اسکان خڑچ کروک آ کل زر 130.6 ارب روپئی ءُ۔ پلاننگ ڈویژن نا بشخنگ نا وڑوڈول انا رداٹ بنجائی بجٹ اٹی جتا شونداری فنڈ اولیکو سہ ماہی (جولائی آن ستمبر) اٹی 20 درسد نا کچ آن جاری کننگرہ، اوکان پد ارٹ میکو ومسٹ میکوسہ ماہی ٹی 30 درسد نا کچ اٹ جاری کننگرہ۔ اسہ مالی سال انا آخیریکو سہ ماہی (اپریل۔جون) اٹی 20 درسد پین ءُ۔ وزارت ڈٹ بندی، شونداری و اصلاحات نا کنڈان جاری کروک تازہ انگا حساب وکتاب نا رداٹ ، حکومت زمی جمب تعمیر نو و بحالی اتھارٹی (ERRA) کن 100 ارب روپئی نا منظوری ءِ ہم تسنے ہرافتیان 96.33 ارب روپئی خڑچ مسنے۔ سرجم آتیان معلوم مریک کہ 160.2 بلین روپئی نا کل جتا زرآن 64.8 بلین روپئی کارپوریشن آتے وخت اس کہ 563.3 بلین روپئی نا کل جتا زرآن 159.6 بلین روپئی بنجائی وزارت آتے بشخنگانے۔ نیشنل ہائی وے اتھارٹی (این ایچ اے)کن، حکومت 117.2 بلین روپئی نا کل جتا زرآن 30.2 بلین روپئی بشخانے، وخت اس کہ این ٹی ڈی سی /پیپکوکن، حکومت 34.69بلین روپئی بشخانے۔ بنجائی حکومت کابینہ ڈویژن نا چندی شونداری ڈٹ آتیکن جتا 87 ارب روپئی آن 87 ارب روپئی نا منظوری ءِ ہم تسنے، ولے کابینہ ڈویژن نا شونداری ڈٹ آتیا داتم اسکان بیرہ 11 ارب روپئی خڑچ مسنے۔ ہندا وڑ، حساب وکتاب آن معلوم مریک کہ ایوی ایشن ڈویژن ءِ 495 ملین روپئی و بورڈ آف انویسٹمنٹ ءِ 161.5 ملین روپئی فراوان کننگانے۔ حکومت موسمیاتی بدلی ڈویژن کن 1.9 بلین روپئی نا کاریم اٹ اتنگ نا ہم منظوری ءِ تس ہرافتیان بیرہ 58 ملین روپئی زیر جاچ مداٹی خڑچ کننگا۔ ہائر ایجوکیشن کمیشن (ایچ ای سی ) کن حکومت 7.78 ارب روپئی، صوبہ و خصوصی علاقہ غاتیکن 25.2 ارب روپئی، کامرس ڈویژن کن 435 ملین روپئی، کمیونیکیشن ڈویژن (این ایچ اے آن بیدس) کن 36 ملین روپئی و 445 روپئی جاری کننگ نا منظوری ءِ تسنے۔ ڈیفنس ڈویژن کن ملین۔ ہندا وڑ حکومت فنانس ڈویژن ءِ 286 ملین روپئی، اسٹیبلشمنٹ ڈویژن ءِ 355.85 ملین روپئی، فیڈرل ایجوکیشن اینڈ پروفیشنل ٹریننگ ڈویژن ءِ 1.4 بلین روپئی و ہاؤسنگ اینڈ ورکس ڈویژن ءِ 4.3 بلین روپئی ہم فراوان کرینے۔

متعلقہ مضامینمصنف کی طرف سے مزید