ون بیلٹ ون روڈ ئُُ سی پیک ئِ منصوبگ یکجائی وشھالی ئِ ھاترااَنت، ایشاں چہ بنی آدمانی ھاترا یک نوکیں زمانگ ئِ بندات بیت ئُُ بزگریں دمگ آنی تہ ئَ وشھالی کئیت
پاکستان گیش جزم ئِ گوما ایمن ئُُ وشھالیں ھمساھگی ئِ نیت ئَ دار ایت، گیشیں اقتصادی کمک ئَ چہ استیں ئُُ آیوکیں باھندگ آناں نپ ئُُ سیت رسیت، دمگی کشاں چیل ئِ تہ ئَ کمیگ کئیت، گوادر دِکہ رودراتکی، روبرکتی ئُُ زرّباری ایشیا ئَ را ھوار کنت ئُُ ایشی ئَ چہ دیم افریقہ ئُُ یورپی منڈی آنی تہئَ دست رس بیت
بیجنگ ۔ 15 مئی (اے پی پی) مزن وزیر محمد نواز شریف ئَ گوشت کہ ون بیلٹ ون روڈ ئُُ چائنہ پاکستان اکنامک کوریڈور (سی پیک) ئِ منصوبگ ئِ یکجائی وشھالی ئِ ھاترا اَنت ایشاں چہ بنی آدمانی ھاترا یک نوکیں زمانگ ئِ بندات بیت ئُُ بزگریں دمگ آنی تہ ئَ وشھالی کئیت۔ دو شمبے ئَ اِدا میاں اوستمانی کمک ئِ ھاترا دو روچی بیلٹ اینڈ روڈ فورم ئِ بھری رنگ ئَ سروکی گول میز دیوان ئِ دومی سیشن ئَ گشتانک دیان ئَ مزن وزیر ئَ گوشت کہ ایشیا ئِ بھر ئَ انفراسٹرکچر، صنعتی کمک، ٹیکنالوجی ئِ نوکیں پیلٹ فارمز آنی بابت ئَ کار پیسر ئَ بندات بوتگ ئُُ دگنیا ئَ بازیں کمو دیمروئی کتگیں دمگ آنی ھاترا مالیات ئِ آیگ بندات بوتگ ئُُ اے دُرست وت مہ وت ئَ یکجاھیں ملک ئُُ پڑ آنی معاشی نظام ئُُ ٹوھیں ھمساھگیں آنی بدولت ئَ اِنت۔ مزن وزیر ئَ مزن تک ئِ دیوان ئَ بھر زوری ئَ 29سروکیں مملکت ئُُ حکومت ئِ ھمبراھی ئَ وش رنگیں جھیل یانکی ئِ تر ئُُ تاب ئِ موہ ئَ گوشت اَنت ، دیوان ئِ بُن گپ وت مہ وتی روگ ئُُ آیگی دیمروئی ئِ ھاترا رابطہ کمک بوتگ۔ آئی ئَ گوشت کہ ون بیلٹ ون روڈ (اوبور) گامگیج ئِ بنیاتی بھر ھاسیں دیمروئی کتگیں ملک آنی رابطہ ئُُ جوانیں کن ھشت اِنت۔ مزن وزیر ئَ گوشت کہ بندر ئَ بنی آدم آنی ھاترا نوکیں زمانگ ئِ بندات اِنت ایشی ئَ بزگریں دمگ آناں بیلٹ۔ روڈ ملک آنی گوما ملارینتگ، ایشرا بزگر ئُُ پُشت ئَ پَشت کپتگیں آناں دیمروئی دیگ ئَ کمک رسیت۔ مزن وزیر ئَ گوشت کہ نوکیں جوڑیشت بوتگیں ریل۔ روڈ، ہائی ویز، دِکہ ئُُ بالی پٹ اقتصادی ندارگ ئَ را یک رند ئِ پد ئَ سہرا کنگ ئَ آں۔ آئی ئَ گوشت کہ توکی دمگ تیاب دپ ئَ گوں ھوار کپگ ئَ آں، مزنیں تجارت کمو دیمروئی ئُُ ڈلگچار بوتگیں دمگ ئِ نیمگ ئَ جنزگ ئَ اَنت ئُُ انٹر پرینیورشپ ئِ یک نوکیں باھند ئِ ئے دلبڑی بوھگ ئَ اِنت۔ مزن وزیر ئَ گوشت کہ اوپور ئِ چیر دستی ئَ روبطہ ئَ چہ میاں اوستمانی معاشی ندارگ یک بر ئِ پد ئَ شنگ ئُُ تالان بوھگ ئَ اِنت۔ نوک لھڈ بستگیں معشیت آناں جوانتریں انفراسٹرکچر ئُُ پُراپیں تجارت ئُُ اِزمت ئَ چہ بنیاتی رنگ ئَ نپ زورگ ئَ اِنت۔ آئی ئَ گوشت کہ پاکستان گیش جزم ئِ گوما یک ایمن ئُُ وشھالیں ھمساھگی ئِ واھگ دار اِنت ھاسیں رنگ ئَ ما ڈیجیٹل ٹیکنالوجی ئَ را رابطہ، مٹ ئُُ بدلی ئُُ جوانیں جاور آنی یک ارزشتی ایں چیز ئِ ھیال کن آں۔ آئی ئَ گوشت کہ ما گوستگیں چار سال آنی ساھت ئَ ڈیجیٹل ئُُ مالیاتی ھواری ئِ ھاترا پالیشی آنی سرئَ سرجمیں کار کتگ ئُُ پاکستان ئَ ھاسیں وتی آباتی ئِ سک ضلوریگ ایں مردم آنی سر ئَ دلگوشی داتگ۔ترند روکیں ڈیجیٹلائزیشن ئُُ نیکسٹ جنریشن رابطہ زانشتی رنگ ئَ معشیت ئِ شنگ ئُُ تالان ئَ آئی ئِ حکومت ئِ ایجنڈا آنی تہئَ بنیاتی بستار ئَ دار ایت۔ مزن وزیر ئَ گوشت کہ گیشیں اقتصادی کمک ئَ چہ استیں ئُُ آیوکیں باھند آناں نپ ئُُ سیت رسیت ئُُ دیمگی کشاں چیل ئِ تہ ئَ کمیگ کئیت۔ آئی ئَ گوشت کہ ما یکجائی وشھالی، ھواری ئُُ دُرستانی ھاترا دیمروئی ئِ سر ئَ یکیم دار آں۔ سی پیک ئَ را یکجا بوھگ ئُُ جوڑ شت ئَ چہ پاکستان ئُُ چین وت مہ وتی یکوئی ئَ نپ ئُُ سیت چست کن اَنت۔ آئی ئَ گوشت کہ سنکیانگ ئَ گوادر ئُُ کراچی ئَ ملارینگ ئَ مال ئِ برگ ئُُ آرگ ئُُ چیز آنی جوڑشت ئِ نیٹ ورک ئِ نوکیں رچ ئِ بندات بیت۔ آئی ئَ گوشت کہ بندر ئَ سی پیک ئَ پاکستانی معشیت ئَ را شروکی جوڑ کتگ۔ اائی ئَ گوشت کہ گوادر ئِ دِکہ رودراتکی، روبرکتی ئُُ زرّباری ایشیا ئَ را ملارین ایت ئُُ ایشی ئَ چہ دیم افریقہ ئُُ یورپی منڈی آنی تہ ئَ سر بوھگ ئِ آسراتی ئَ دنت۔ آئی ئَ گوشت کہ دکہ ئِ سرئَ کارترندی ئَ گوں بوھگ ئَ اِنت ئُُ زوت گوادر بازیںروزگاری موہ آنی گوما یک شروک دیوکیں شہر ئِ بستار ئَ سہرا بیت۔
