اسلام آباد۔ 02 جنوری (اے پی پی) سپریم کورٹ وزیراعلیٰ بلوچستان نا خصوصی کمکار آتا تقرری نا کانود نا بابت کیس انا سماعت نا وخت آ ہائی کورٹ نا فیصلہ نا برخلاف بلوچستان حکومت نا اپیل ءِ سماعت کن منظور کرسا پارے کہ کانود اسے چٹفنگ آن مست 27۔اے نا نوٹس ءِ جاری کننگ المی ءِ۔ سماعت اٹی جسٹس اعجاز الاحسن تینا ریمارکس اٹی پارے کہ ہراکانود مہالوآن چٹنگے اودے امر معطل کین، عدالتی پرمان نا حد اسکان نوٹس جاری کننگ اُن۔ کیس انا سماعت دوشنبےنادے آ داڑے جسٹس اعجاز الاحسن نا کماشی ٹی عدالت عظمیٰ نا اِرا باسکی بنچ کرے۔ سماعت اٹی جسٹس مظاہر علی اکبر نقوی استفسار کرے کہ دا کیس تو غیر موثر مسنے؟ انت کیس ساڑی آبلوچستان حکومت نا بابت ءِ؟ ہراڑا ایڈیشنل ایڈوکیٹ جنرل عدالت ءِ پارے کہ کیس تو مسکوہی حکومت نا ئسک ولے بلوچستان ہائی کورٹ تینا فیصلہ ٹی کانود ءِ ہی چٹفینے۔ اوپارے کہ ہندا وڑنا کیس اٹی داکان مست سپریم کورٹ سندھ انا بابت فیصلہ تسنے۔ ہائی کورٹ فیصلہ غان مست 27۔اے نا نوٹس جاری کتو۔ بلوچستان حکومت نا کنڈآن دا وخت آ ہائی کورٹ نا فیصلہ ءِ معطل کننگ نا خواست ہم کننگا۔ عدالت عظمیٰ فیصلہ ءِ معطل کننگ نا درخواست آ نوٹس جاری کرسا کیس انا مستی سماعت ءِ اِراہفتہ کن ملتوی کرینے۔ یات سلے کہ بلوچستان ہائی کورٹ 13 اپریل 2020آ وزیراعلیٰ خصوصی کمکارتقرری نا بابت ایخٹ 2018 ءِ کالعدم گونداسس۔
