اسلام آباد۔ 01 جنوری (اے پی پی) پاکستان و بھارت نا کمامدار آک 31 دسمبر 1988 نا معاہدہ نا رداٹ یک شنبےنادے آ تین پہ تینی جوہری تنصیب و آسراتی تا بارواٹی لڑتے اسہ ایلو ءِ تسر ، دا عمل اسلام آباد و نئی دہلی ٹی سرتننگا۔ یک شنبےنادے آ ترجمان دفتر خارجہ نا کنڈآن جاری بیان اٹی پاننگانے کہ معاہدہ نا رداٹ پاکستان اٹی جوہری تنصیب و آسراتی تا لڑتے باضابطہ وڑاٹ وزارت خارجہ ٹی بھارتی ہائی کمیشن نا نمائندہ غاتا دوٹی تننگا۔ ایڑے، بھارتی وزارت خارجہ نئی دہلی ٹی پاکستانی ہائی کمیشن نا نمائندہ ءِ تینا ملک انا نیوکلیئر تنصیب و آسراتی تا لڑ ءِ تس۔ اوپارے کہ 31 دسمبر 1988 آ طے مروک آمعاہدہ ٹی طے کننگاسس کہ ہڑتوم آ ملک آک ہر سال یکم جنوری آ اسہ ایلو ءِ تینا جوہری تنصیب و آسراتی تا بارواٹی معلومدار کیرہ، اوکان پد 27 جنوری 1991 ٹی دادے پک کننگاسس۔ وزارت خارجہ نا پاننگ ءِ کہ لڑ تا ہڷو تس انا چرجوئی یکم جنوری 1992 آن برجاءِ۔
