اسلام آباد۔ 01 جنوری (اے پی پی) صدر مملکت ڈاکٹر عارف علوی آئی سی ٹی لوکل گورنمنٹ (ترمیمی ) بل ءِ بیدس دستخط آن پدی تسنے۔ صدر ڈاکٹر عارف علوی آئین نا آرٹیکل 75نا شق (1) (b) نا رداٹ اسلام آباد کیپیٹل ٹیریٹری (آئی سی ٹی ) لوکل گورنمنٹ (ترمیمی ) بل 2022 ءِ بیدس دستخط آن پدی تسنے۔ اوبل ءِ دا پارسا پدی تس کہ داڑان بلدیاتی گچین کاری تیٹی پین ہرے مریک۔ یک شنبےنادے آ ایوان صدر میڈیا ونگ انا کنڈآن جاری بیان نا رداٹ بنجائی حکومت نا عجلت اٹی ہرفوک آ گام گیج آتیٹی گچین کاری عمل اٹی دُوارہ ہرے مس، ہرا جمہوریت کن مثبت اف۔ بیان اٹی مستی پاننگانے کہ بنجائی حکومت نا مندرجہ ذیل غلط گام گیج آتا سوب آن اسلام آباد کیپیٹل ٹیریٹری ٹی گچین کاری مننگ کتور۔ الف:50 یونین کونسل آتا حدبندی پورو مننگ آن پد الیکشن کمیشن آف پاکستان (ای سی پی ) 31 جولائی 2022 آ آئی سی ٹی ٹی ہندی حکومت آتا گچین کاری تا فیصلہ کرے۔ پولنگ نا تاریخ نا پڑوآن پد ہم ، بنجائی حکومت یونین کونسل آتا کچ 50 آن ودفسا 101 کرے، ہرانا نتیجہ ٹی گچین کاریک پدی تمنگ نا گواچی مسر۔ ب:101 یونین کونسل آتا حد بندی آن پد ، ای سی پی 31 دسمبر 2022ء آ آئی سی ٹی ٹی گچین کاری کرفنگ نا فیصلہ کرے۔ ساڑی آ بل انا سیکشن 2 آئی سی ٹی ٹی 125 یونین کونسل آتا ذکر ءِ کیک۔ ہنداخاطران 31 دسمبر 2022ء آ مروک آ گچین کاری تے دُوارہ ملتوی کننگا۔ ج: ایوان صدر آن جاری بیان اٹی مستی پاننگانے کہ ساڑی آ بل انا سیکشن 3 نا رداٹ، گچین کاری تا شیڈول نا پڑو آن پد میئر و ڈپٹی میئر نا گچین کاری تا وڑ ءِ بدل کننگانے۔
