اسلام آباد۔31دسمبر (اے پی پی):محکمہ موسمیات ءِ گوشگ ءِ ردا آوکیں 24کلاکانی درگت ءَ ملک ءِ گیشتر دمگاں موسم سارت ءُ ھشک وھدیکہ برزی دمگاں ءُ گوریچانی بلوچستان ءِ تہ سک سارت بہ بیت۔اے درگت ءَ پنجاب، خیبر پختونخوا ءُ برزی سندھ ءِ میدانی دمگاں سک سموگ ءِ گمان انت وھدیکہ پوٹھارءِ تہ سہب ساعت ءَ کہرا کپگ ءِ گمان انت۔گوستگیں 24 کلاکانی تہ ملک ءِ گیشتر ءِ دمگاں موسم سارت ءُ ھشک وھدیکہ گوریچانی بلوچستان ءِ تہ سک سارت بوتگ۔یک شمبے ءَ ریکارڈ کتگیں کم چہ کم ٹیمپریچر ءِ رپورٹ ءِ ردا لہہ ءِ تہ ٹیمپریچرمنفی 14،استور منفی 10،کالام ، گوپس منفی 8،قلات منفی 7،زیارت منفی 6، ہنزہ، مالم جبہ ءُ پاراچنار ءِ تہ منفی 5ڈگری سینٹی گریڈ ریکارڈ کنگ بوتگ۔
