اسلام آباد۔ 31 دسمبر (اے پی پی) بنجائی وزیر حوالکاری و شینکاری مریم اورنگزیب عمران خان نا ٹویٹ آ تینا ورندی ٹی پارے کہ فارن ایجنٹ ءِ افسوز ءِ کہ ملک ءِ خواتہ کننگ نا کمیٹمنٹ پورو متو، الیکشن آن فارن ایجنٹ و توشہ خانہ دُز نرنگ اٹی ءِ۔ ہفتہ نادے آ تینا اسہ بیان اسے ٹی بنجائی وزیر حوالکاری پارے کہ بے پتی نا وونٹ انا حق ءِ کاریم اٹ اتسا فارن ایجنٹ ءِ پارلیمان آن پیشن کشاسن۔ اوسوج کرے کہ اِراسال اسکان اقتدار اٹی مرسا بلدیاتی گچین کاری تے انت اکن تورے عمران صاحب؟۔ بنجائی وزیر مستی پارے کہ پی ٹی آئی پنجاب و خیبر پختونخوا ٹی گچین کاری کرفنگ نا ’’کمیٹمنٹ‘‘ کریسس، اوفتا انت مس؟۔ اوپارے کہ اسہ کروڑ نوکری و پنجا لکھ اُراتننگ نا ’’کمیٹمنٹ‘‘ کریسس اوفتا انت مس؟۔ نی ’’کمیٹڈ‘‘ بیرہ لٹ و پل، دروغ و فراڈ کن ئسر و اریر۔ مریم اورنگزیب پارے کہ نی ’’کمیٹمنٹ‘‘ بیرہ فارن فنڈنگ ہلنگ، توشہ خانہ نا دُزی، پاکستانی زرگزران ءِ خواتہ کننگ کن کریسس، نی’’کمیٹمنٹ‘‘ بیرہ تاریخی وام تے ملک آ بھاریم کننگ و الس ءِ کبینی ٹی غرق کننگ نا کریسس، نی ’’کمیٹمنٹ‘‘ بیرہ کشمیر نا سودہ ءِ کننگ و قومی فائدہ غاتا سودا کننگ آن کریسس۔
