اسلام آباد۔ 31 دسمبر (اے پی پی) بنجائی حکومت وزیراعظم شہباز شریف نا پارت و موسم نا رداٹ بروک آ پانزدہ دے اکن پیٹرولیم مصنوعات آتا نہاد آتے برقرار تخنگ نا پڑو کرینے۔ داہیت انا اعلان ءِ بنجائی وزیر خزانہ و محصولات سینیٹر محمد اسحاق ڈار ہفتہ نادے آ داڑے ویڈیوکانفرنس اٹی کرے۔ وزیرخزانہ پارے کہ تدوک آ منہ دے آن جہانی منڈی تیٹی پیٹرولیم مصنوعات آتا نہاد آتیٹی ودکی نا رجحان ءِ و ہندا رداٹ آئل اینڈ گیس ریگولیٹری اتھارٹی (اوگرا) یکم جنوری آن گازلیٹ نا نہاد اٹی 8.76 روپئی و لائیٹ ڈیزل آئل نا نہاد اٹی 7.73 روپئی ودکی نا سلاہ تسوسس ولے وزیراعظم نا پارت و موسم نا شدت نا رداٹ بنجائی حکومت ہڑتوم آ مصنوعات آتیا لیویز نا بھاریم ءِ ہرفنگ نا حالیت اٹی نہادآتیٹی ودکی کپننگ نا فیصلہ کرینے۔ اوپارے کہ ہندا وڑ یکم جنوری آن ہلیس 15 جنوری اسکان پیٹرول نا فی لیٹر ساڑی نہاد 214.80روپئی و ڈیزل نا فی لیٹر نہاد 227.80 روپئی برقرار سلک۔ وزیر خزانہ پارے کہ لائیٹ ڈیزل آئل ءِ بزغرآک کاریم اٹ اتیرہ ہندا وڑ گازلیٹ کم انگا کٹیا والا مخلوق کاریم اٹ اتیک ہنداخاطران مخلوق ءِ ریلیف تننگ کن وزیراعظم نا پارت آ نہاد آتیٹی ودکی کپننگ نا فیصلہ کننگا، اسہ سوج اسے نا ورندی ٹی اوپارے کہ اسہ زرگزران حقیقت وخت اس کہ ارٹ میکو سوشل میڈیا نا ءِ ہراڑا اعتبار کننگپ۔ نہہ جنوری آ جہانی برادری جنیوا ٹی کانفرنس کیک، ڈالرآ پریشر ہنداخاطران ءِ کہ منہ اسہ بھلو ادائیگی کرینن، گیس اِرا ڈالر آ ئسک، قطر اڑزان گیس تسکہ تو سود انت اکن کننگتو۔ ایل این جی کبین مسنے، داخہ پیس اف کہ سد والا گیس ءِ بیست روپئی ٹی ایتن۔
