اسلام آباد۔ 14مئی (اے پی پی) وزیر داخلہ چوہدری نثارعلی خان ایف آئی اے سائبر کرائم ونگ ئِ سوشل میڈیا نا کمک اٹ پاک فوج ئِ بے سوب تنقید و تضحیک نا نشانہ جوڑ کروک آ عنصر آتا برخلاف دمدستی وڑاٹ کارروائی کننگ ناحکم تسنے۔ اوپارے کہ آجوئی اظہار نا بابت آئین پاکستان صفا کیک کہ ملکی سیکورٹی و دفاع نا معاملہ و تعلقدار ادارہ غاتے تنقید نا نشانہ جوڑ کننگپک و اسہ شاری اس ہم دُن انگا سرجزاٹی اوار مفک ہراڑآن پاک فوج انا ادارہ نا وقار، نیک نامی و عزت آ حرف اس برے۔ وزیر داخلہ پارے کہ آجوئی اظہار نا آڑاٹی پاک فوج یا اونا افسر آتا تضحیک ناقابل قبول ئِ و تینا مخصوص مسخت آتا خاطر پاکستان نا منظم و باعزت ادارہ ئِ نشانہ جوڑ کننگ نئے بیرہ گڑتی اسے بلکن سنگین ئُ ڈوہ اس ہم ارے۔ اوایف آئی اے ئِ پارت کرے کہ دانستہ یا غیر دانستہ وڑاٹ دُن انگا ڈوہ انا ارتکاب کروک آتا برخلاف سخت کانودی کارروائی عمل اٹی اتسا دا قابل مذمت کارروائی ٹی اوار شخص آتا بارواٹی بے پرخ کارروائی کننگے چائے دا بندغ آتا تعلق ہراکہ جماعت یا پیشہ تون مرے۔
