اسلام آباد۔30دسمبر (اے پی پی):راجی سلامتی کمیٹی ءِ دیوان ءِ تہ گوشت کہ پاکستان ءِ راجی نپ ءَ کسے را تاوان دیگ ءِ موکل دیگ مہ بیت۔پاکستان ءِ بقا، سلامتی ءُ دیمروئی ءِ بنیاتی نپ ءِ باز دلیری ءَ گوں رکھگ بیت،سرجمیں راج ناشرکاری ءُ ناشرکارانی ھلاپ ءَ یک گپ ءَ متحد انت۔پاکستان ءَ را تاوان دیوکیں عناصر ءَ سرجمیں تاگت ءَ گوں پسو دیگ بیت، راجی سلامتی کمیٹی (این ایس سی) ءِ ھاسیں دیوان آدینک ءَ مزن وزیر شہباز شریف ءِ سروکی ءَ برجم بوتگ۔دیوان ءِ تہ بنجاہی وزراء، سروسز چیفسءُ انٹیلی جنس ادارگہانی سروکاں بھرزوراتگ۔مزن وزیرآفس ءِ پریس ونگ چہ جاڑی بیان ءِ ردا دیوان ءَ ملکی معیشت ءُ امن ءُ ایمنی ءِ سرجمیں جائزگ گپتگ۔ھزانگ وزیر اسحاق ڈار ءَ ملک ءِ معاشی جاورھال ءُ چیلنجزچہ سرپد کتگ ءُ اے ھوالہ ءَ حکومت ءِ نیمگا چہ چست کتگیں معاشی پلان ءُ گامگیج ءِ باروا بریفنگ داتگ۔انٹیلی جنس ادارگہاں ملک ءِ تہ امن ءُ ایمنی ءِ مچ جاورھال سرا بریفنگ داتگ ءُ ناشرکاری ءِ استیں لہر ءِ باروا کارءُ آہانی سرجمی ءِ گامگیج چہ دیوان ءَ را سرپدکتگ۔دری کارانی وزیر مملکت حنا ربانی کھر ءَ افغانستان ءِ جاورھال سرا دیوان ءَ را سرپدی داتگ ءُ پاکستان ءِ عبوری حکومت ءِ گوما بیوکیں رھوت چہ سرپد کتگ۔
