اسلام آباد۔30دسمبر (اے پی پی):راجی جان سلامتی ادارگ ( این آئی ایچ) ءَ گوشت کہ سرجمیں ملک ءِ تہ 24 کلاکانی درگت ءَ کورونا وائرس ءِ25کیس رپورٹ بوتگ انت۔ این آئی ایچ ءِ نیمگا چہ آدینک ءَ جاڑی کچ ءُ کساس ءِ ردا سرجمیں ملک ءِ تہ گوستگیں 24 کلاکانی تہ 3ہزار523کورونا ٹیسٹ کنگ بوتگ انت ایشاں چہ 25امردمانی ٹیسٹ پازیٹو اتکگ انت،اے وڈ ءَ اے وھد ءِ تہ کورونا ٹیسٹ ءِ پازیٹو کساس 0.71درسد بوتگ۔ ایشی ءِ ابید اے درگت ءَ کورونا وائرس چہ ہچ نادراہے بیران مہ بوتگ وھدیکہ 18 نادراہانی جاورنگیگ انت۔ملک ءِ لہتیں شہراں گوستگیں 24کلاکانی تہ کتگیں کورونا ٹیسٹانی تہ فیصل آباد ءَ95ٹیسٹ کنگ بوتگ انت ایشءَ چہ یک مردمے ٹیسٹ پازیٹو آتکگ ءُ اودا پازیٹو کیسانی کساس 1.05درسد ،لاہور 839 ٹیسٹ چہ 6 مردمانی ٹیسٹ پازیٹو ءُ کساس 0.72درسد ات وھدیکہ پشاور ءِ تہ 552ٹیسٹ چہ 6 مردمانی پازیٹو ءُ کساس اودا1.09 درسد بوتگ۔
