اقوام متحدہ ۔ 30 دسمبر (اے پی پی) اوغانستان کن اقوام متحدہ نا نمائندہ خصوصی رمیز الکباروف پارینے کہ اقوام متحدہ اوغانستان اٹی انسانی کمک نا فراوانی کن سنبرینگوک ءِ۔ چینی خبررساں ادارہ نا رداٹ او اسہ پریس حوال اسے ٹی پارے کہ اقوام متحدہ و اونا انسانی ہمدردی نا شریدار طالبان تا بست وبند اٹی انتظامیہ نا انسانی ہمدردی نا غیر سرکاری تنظیم تیٹی زالبول آتا کاریم کننگ آ پابندی نا فیصلہ غان پد ہم اوغانستان نا مخلوق ءِ زند ءِ بچفوک آ خذمت آتا فراوانی کن سنبرینگوک ءِ۔ اوپارے کہ اوغانستان نا مخلوق نا گرج آک بھاز زیات ءُ و دا المی ءِ کہ نن اوفتا بنداوی گرج آتا فراوانی ءِ برجاتخن۔ اوزور شاغسا پارے کہ داہم ہموخس اہم ءِکہ اوغانستان اٹی زالبول و مسنک تینے رکھ محسوس کیر۔ اومستی پارے کہ نن دا ہیت آ باور کپنہ کہ زالبول آتا بشخ ہلنگ آن بیدس اسہ جوان ءُ انسانی کارروائی اسے نا فراوانی ممکن ءِ۔
