پاکستان تحریک انصاف ءِ نوکاپ زہمی تا مشکل و ودوک آ دہشت گردی کون آ ویل آتون ہچ ءُ کاریم اس اف، سینیٹر شیری رحمان

اسلام آباد۔ 30 دسمبر (اے پی پی) بنجائی وزیر چاگڑدی بدلی سینیٹر شیری رحمان پارینے کہ پاکستان تحریک انصاف ءِ نوکاپ زہمی تا مشکل و ودوک آدہشت گردی کون آ ویل آتون ہچ ءُ کاریم اس اف، اونا سیاست نا وت ملک و الس آخا بلکن عمران خان نا ذاتی مفاد ءِ۔ جمعہ نادے آ اسہ ٹویٹ اسے ٹی اوپارے کہ ملک اٹی داسہ ہم 2 کروڑ نوکاپ زہمی تے دمدستی کمک نا گرج ءِ۔ پی ٹی آئی سندھ و بلوچستان نا کروڑ آ نوکاپ زہمی تے کلہو تننگ ءِ کہ نما آخا عمران خان نا سیاست اہم ءِ، ایلو کنڈا دہشت گردی نا واقعہ غاتیٹی ہم ودکی مننگ ءِ، اودے نوکاپ زہمی و ودوک آ دہشت گردی تون ہچ ءُ کاریم اس اف۔ اوپارے کہ غٹ ڈٹ آتا بے سہب مننگ آن پد ’’پاکستان تحریک احتجاج ‘‘ اسہ وار ولدا مچی کننگ والا ءِ، اونا اولیت بیرہ سیاست اٹی تعلقدار مننگ و ہیڈ لائن کننگ ءِ۔ اوپارے کہ 2 شارٹ مارچ، استیفہ و اسمبلی تے تحلیل کننگ نا دھڑکوٹی بے سہبی آن پد اوڑتون برانز آن بیدس ہچ ءُ آپشن اس سلتنے، ’’پاکستان تحریک احتجاج ‘‘ نا ملک ءِ چلیفنگ کرے ناہی اوفتے ٹی پارلیمانی اپوزیشن نا کڑد ادا کننگ نا لائخی ارے۔ اوبس بشخنگ، کرینگ، دوبہ خلنگ و کنٹینر آتا سیاست کننگ ءِ۔ شیری رحمان پارے کہ مخلوق داسہ اوفتا سیاست نا وڑآن تنگ بسنے، اوفتا سیاست نا وت ملک و الس آخا عمران خان نا ذاتی مفادءِ۔