اسلام آباد۔ 27 دسمبر (اے پی پی) صدر مملکت ڈاکٹر عارف علوی پارینے کہ دہشت گردی نا برخلاف جنگ کرسا جان تے ندر کروک آ شہید آتا قربانیک زیان مفسہ، قوم دہشت گردی نا پورو چٹفنگ کن تینا سیکورٹی فورس آتون سلوک ءِ۔ سے شنبےنادے آ ایوان صدر نا پریس ونگ آن جاری بیان نا رداٹ صدر مملکت داخیال آتا درشانی ءِ 20 دسمبر آ بنوں دہشت گرد جلہو اٹی شہید مروک آ کارندہ غاتا وارث آتون ٹیل فون آ گپ وتران کرسا کرے۔ اوشہید آتا وارث آتون است ہسونی نا درشانی ءِ کرے۔ صدر مملکت پارے کہ دہشت گردی ءِ ماش کش کننگ اسکان تینا مشن آن اسہ کنڈ مفنہ۔ اوشہید آتے اوفتا نرزوری، فرض شناسی و قوم اکن قربانی تیا خراج عقیدت پیش کرے۔ صدر مملکت سپاہی بابر ایوب و لانس نائیک حلیم نا وارث آتون ٹیل فون آ ہیت کرے۔ دہشت گردی نا برخلاف جنگ کرسا جون تے ندر کروک آ شہید آتا قربانیک زیان مفسہ۔ ڈاکٹر عارف علوی شہید آتے خراج عقیدت پیش کرے و قوم اکن اوفتا خذمت آتا ستاءِ کرے۔ صدر مملکت شہید آتا خاہوت آتون ہمدردی نا درشانی ءِ کرے و اوفتا صبر و جمیل کن دعا کرے۔
