اسلام آباد۔26دسمبر (اے پی پی):صدر مملکت ڈاکٹر عارف علوی ءَ لہتیں دمگانی تہ شہید بوتگیں سیکورٹی فورسانی کارندہانی ھاندان ءَ گوں تیلیفون سرا رھوت کتگ ءُ دلپدردی ءِ درشان کنان ءَ خراج عقیدت پیش کتگ۔ ایوان صدر ءِ میڈیا ونگءِ گوشگ ءِ ردا صدر عارف علویءَ 14 دسمبر ءَمیران شاہ ءِ تہ وت کش ارشے تہ شہید بوتگیں حوالدار محمد عامر، 4 دسمبر ءَ شمالی وزیرستان ءِ تہ شہیدبوتگیں سپاہی ناصر خان ءُ 26 نومبر ءَ لکی مروت ءِ تہ شہید بوتگیں نائب صوبیدار قاسم خان ءُ حوالدار محمد چنگیز چغتائی ءِ ھاندان ءِ گوما ٹیلی فون سرا راھوت کتگ ءُ دلپدردی ءِ درشان کتگ۔صدر ءَ 30 نومبر ءَ شمالی وزیرستان ءِ تہ شہیدبوتگیں حوالدار پروش خان ءِ پِت ءِ گوما فون سرا ھم دلپدردی کتگ۔ صدر مملکت ءَ شہداء ءَ را آہانی ہزمت ءِ سرجمی سرا خراج عقیدت ءُ ماتیں وتن ھاترا جان ندر کنگ سرا سلام پیش کتگ۔آہاں شہداء ءِ ھاندان ءَ گوں دلپدردی ءِ درشان کتگ ءُ آہاں پہ صبرجمیل دعا ھم کتگ۔
