لاہور۔24دسمبر (اے پی پی):مزن وزیر محمد شہباز شریف ءَ بنجاہی سرکاری ماڑی ءَ را سولر سسٹم سرا بدل کنگ ءِ منصوبگ ءَ را زوت ءَ زوت سرجم کنگ ءِ کڈنی داتگ۔ھپتگ ءَ مزن وزیر میڈیا کارگس ءِ نیمگا چہ جاڑی بیان ءِ ردا مزن وزیر محمد شہباز شریف ءِ سروکی ءَ توان ءِ لوٹ ءَ را پیلو کنگ ءِھاترا سولر سسٹم ءِ کارمرزی سرا چارءُ تپاس دیوان لاہور ءِ تہ برجم بوتگ۔مزن وزیر شہباز شریفءَ بنجاہی سرکاری ماڑی ءَ را توان ءِ کارمرزی سولر سسٹم سرا زوتاں زوت بدلی کنگ سرا زورمان کنان ءَ منصوبگ ءِ زوت سرجمی ءِ تہ جیڈھانی گیش ءُ گیواری ھاترا پلان جوڈ کنگ ءِ پنت ءُ شون داتگ انت۔دیوان ءِ تہ مزن وزیر ءِ صلہ کار احد چیمہ ،مزن وزیر ءِھاسیں کمکار جہانزیب خان ءُ مزن تکی سرکاری افسراں بھرزوری کتگ وھدیکہ ھزانگ ءِ بنجاہی وزیر اسحاق ڈار،پیسریگیں مزن وزیر ءُ باسک بنجاہی اسمبلی شاہد خاقان عباسی ،بنجاہی وزیربرائے پاورڈویژن انجینئر خرم دستگیر ،بنجاہی وزیر برائے بیئپار سید نوید قمرءُ بنجاہی وزیر برائے نیشنل فوڈ سیکیورٹی ریسرچ طارق بشیر چیمہ ءَ ویڈیو لنک ءِ وسیلگ ءَ دیوان ءِ تہ شریک بوتگ انت۔
