چین پاکستان تون جم اٹنگا کمکاری ئِ پین مون آ دننگ کن تیار ئِ ، اقتصادی راہداری بیلٹ اینڈ روڈ گام انا رداٹ کلیدی کڑد انا حامل ڈٹ اسے
بیجنگ۔ 14مئی (اے پی پی) پاکستان اٹی چین نا سفیر سن وی ڈونگ پارینے کہ ہڑتوم آ ملک و ایلو ڈیہہ نا الس نا فائدہ کن چین پاکستان تون جم اٹنگا کمکاری ئِ پین مون آ دننگ کن تیار ئِ، چین پاکستان اقتصادی راہداری ڈٹ بیلٹ اینڈ روڈ گام انا رداٹ کلیدی کڑد انا حامل ڈٹ اسے۔ اے پی پی تون ہیت وگپ کرسا او پارے کہ چین و پاکستان ہر موسم اٹی آزموندہ شریدار ئُ و سی پیک نا سرسہبی کن اواری اٹ کاریم کننگ ئُ۔ اوپارے کہ ون بیلٹ ون روڈ فورم غٹ ملک آتے دا موقع فراوان کرینے کہ او اواری اٹ تولسا تین پہ تینی فائدہ ٹی کمکاری و شونداری ئِ اسہ ایلو تون شریک کننگ کیر۔ اوپارے کہ ننے خوشی ئِ کہ بھلو کچ اسے ٹی ملک آک، جہانی تنظیم و سروک مملکت دا فورم اٹی شرکت کرینو۔ نن فورم اٹی بروک آ غٹ ملک آتا خیرمقدم ئِ کینہ۔ اوپارے کہ چینی صدر فورم نا بناءٹی کلیدی تران کرسا بیلٹ اینڈ روڈ گام ئِ مون آ تخانے۔ اوپارے کہ داڈٹ نئے بیرہ چین بلکن مچ آ ڈیہہ و دنیا کن اہمیت نا حامل نا ڈٹ اس مریک۔
