اسلام آباد۔24دسمبر (اے پی پی):چیئرمین سینیٹ محمد صادق سنجرانیءَ گوشت کہ مروچی مارا ہمہ کہ جیڈھ ءُ جنجال دیم انت آہانی سرا گرودار ءِ ایوکا راھ قانود ءُ آئین سرا وڈءُ پیم انت۔مارا بانی پاکستان ءِ راھبندانی سرا وڈ ءُ پیم کنان ءَ وتی باندات ءَ را گہتر کنگ انت ءُ ہروڈیں جیڈھ ءَ را یک نیمگا ایر کنان ءَ یک پُرامنیں ،شریں سوچ ءَ را دیما برگ ھاترا پج ءِ کار کنگ بیت۔ھپتگ ءَ سینیٹ سیکرٹریٹ چہ جاڑی بیان ءِ ردا چیئرمین سینیٹ محمد صادق سنجرانیءَ بابائے قومءِ بوتن روچ ءِ موہ سرا وتی ھاسیں کلوھ ءِ تہ گوشت کہ قائداعظم محمد علی جناحؒ یکے مستریں راھشون ات۔محمد علی جناح ؒ ءَ وتی برزیں کردار،جہدکاری چہ برصغیر ءِ مسلمانءَ را یک پلیٹ فارم سرا یکجاھ کنان ءَ جتائیں ملک ءِ ھاتر اجہد بندات کتءُ برصغیر پاک ہند ءِ مسلمان دوراجی ایجنڈہ ءِ بنیات سرا پاکستان ءَ را جوڈ کتگ۔ پاکستانءِ جوڈ بوھگ قائد اعظم محمد علی جناح ؒ ءِجہد ءِ آسر انت۔سرجمیں راج بانی پاکستان ءِ ہزمتاں را ستا پیش کنگ انت۔
