اسلام آباد۔24دسمبر (اے پی پی):سپیکر بنجاہی اسمبلی راجہ پرویز اشرف ءُ ڈپٹی سپیکر زاہد اکرم درانی ءَ کرسمس ءِ پُرشانیں موہ سرا سرجمیں ملک ءِ تہ نندوک کرسچن کمیونٹی گوں سیادی داروکیں پارلیمنٹ باسکاں را مراد بات دیان ءَ گوشت کہ آئین پاکستان ملک ءِ تہ نندوک ءِ اقلیتی براتاں را بروبرءِ حق پھجارگ انت ءُ آہاں را حقانی رکھگ ءِ ضامن انت۔ھپتگ ءَ کرسمس ءِ درگت ءَ وتی کلوھ ءِ تہ سپیکر بنجاہی اسمبلی راجا پرویز اشرف ءَ گوشت کہ ھداوند کریم ءَ حضرت عیسی علیہ السلام ءَ را مہر ءُ محبت ،براھندگی ءُ امن ءُ ایمنی ءِ تبلیغ ھاترا ایر کتگ۔آہاں گوشت کہ مسلمان حضرت عیسی علیہ السلام ءَ را اللہ تعالی ءِ راستیں پیامبر منئگ انت۔آہانی بوتن روچ مسلمانانی ھاترا ھم شرپے گپے انت۔ سپیکر بنجاہی اسمبلیءَ گوشت کہ اَستیں حکومت آئین پاکستان ءُ قائد اعظم محمد علی جناح ءِ راھشون راھبندانی ردا دراھیں منارٹیز ءَ را بروربر حقانی پھجارگ ھاتر اجزم دار انت۔آہاں ملک ءِ جوڈ ءُ جاڑی ءُ دیمروئی تہ کرسچن کمیونٹی ءِ ہزمتاں را ساڑان گوشت کہ ملک ءِ وانگ ءُ زانگ ،جان سلامتی ءُ دگہ تک ءَ مسیحی براتری ءِ ہزمت ستا ءِ لائق انت۔
