اسلام آباد۔24دسمبر (اے پی پی):ھزانگ ءِبنجاہی وزیرسینیٹرمحمداسحاق ڈارءَپاکستان ءُبرطانیہ ءِ میان ءَ سیادی ءُ کمک ءِ تہ ودکی ءِ امیت ءِ درشان کتگ۔آہاں اے گپ ھپتگ ءَ برطانوی دارالعوام ءِ باسک خالد محمود ءِ گوما گند ءُ نند ءِ تہ گپ ءُ تران ءِ درگت ءَ کتگ انت۔مزن وزیر ءِ ھاسیں کمکار طارق باجوہ ءُطارق محمود پاشاھم اے موہ ءِ سرا ساڑی اتنت۔گند ءُ نند ءِ تہ پاکستان ءُ برطانیہ ءِ میان ءَ دودیمی سیادی ءُ دمگی ارزشت ءِ معاملہانی سرا ھیال ریچی کنگ بوتگ ،ھزانگ وزیر ءَ دوئیں ملکانی میان ءَ دوستی ءِ تک سرا تسلہ ءِ درشان کتگ ءُ امیت پدر کت کہ دوئیں ملکانی میاں استیں کمک باندات ءِ تہ گیش مھکم بیت۔ خالد محمود ءَ ھزانگ وزیر ءَ را وزارت سمبھالگ سرا مرادبات پیش کتگءُ گوستگیں مون سون ءِ ھورءُ ھار ءَ چہ بوتگیں جانی ءُ مالی تاوان سرا اپسوز ءِ درشان کتگ۔ خالد محمود برمنگھم پیری بار چہ ہاوس آف کامنز ءِ تہ درستاں چہ گیش وھدءِ تاں ہزمت سرجم کنوکیں باسک انت۔
