اسلام آباد۔24دسمبر (اے پی پی):صدر مملکت ڈاکٹر عارف علوی ءَ 20 دسمبر ءَ بنوںءِ تہ بیوکیں ناشرکاری اُرشے تہ شہیدبوتگیں کارندہانی ھاندان ءِ گوما ٹیلی فون سرا دلپدردی ءِ درشان کتگ۔ایوان صدر پریس ونگ ءِ نیمگا چہ جاڑی بوتگیں بیان ءِ تہ گوشگ بوتگ کہ صدر عارف علوی ءَ صوبیدار میجر خورشید احمد ءِ وارثءَ گوں ٹیلی فون سرا اپسوز ءِ درشان کتگ،صدر مملکت ءَ سپاہی سعید احمدءِ برات ءِ گوما فون سرا رھوت کتگ۔صدر مملکت ءَ 19 دسمبر ءَ میران شاہ ءِ تہ وت کُش اُرشے آسر ءَ شہید بوتگءِ نائیک عابد ءِ پت ءِ گوما دلپدردی ءِ درشان کتگ۔ صدر مملکت ءَ شہیدءَ را ماتیں وتن ءِ ہزمت ھاترا جان ندر کنگ سرا خراج عقیدت پیش کتگ،صدر مملکت ءَ شہیدانی دلیری ءُ وتن ءِ ھاترا قربانی ءِ جوزگ ءَ را سلام پیش کتگ۔صدر مملکت ءَ شہیدانی ھاندان ءِ گوما دلپدردی ءِ درشان کتگ ءُ صبر جمیل ءِ دعا ھم کتگ۔
