اسلام آباد۔23دسمبر (اے پی پی):مزن وزیر محمد شہباز شریفءَ گوشت کہ پاکستان ءُ قازقستان ءِ میان ءَ دوستی ہمک گوستگیں روچاں جہل بوھگ انت ءُ بین الحکومتی مشترکہ کمیشن ءِ 11می دیوان ءِ سوبمندیں برجمداری مھکم بیوکیں سیادی پدرانت۔اے ھیالانی درشان آہاں قازقستان ءِ نائب مزن وزیر سیرک ژومنگرین ءِ سروکی ءَ گند ءُ نند کنوکیں ڈلے ءِ گوما گپ ءُ تران کنان ءَ کتگ انت۔ڈل ءَ آدینک ءِ روچ ءَ آہاں گوں گند ءُ نند کتگ۔ قازقستان ءِ ڈل ءَ نائب مزن وزیر ءِ راھشونی ءِ تہ بین الحکومتی مشترکہ کمیشن ءِ 11می دیوان ءِ تہ بھرزوری ھاترا پاکستان ءِ سرکاری تروتاب سرا انت۔ مزن وزیر ءَ قازقستان ءِ ڈلے ھیرمقدم کنان ءَ اے گپ ءَ را ساڑاتگ کہ گوات بازی ،زرکاری ءُ بینکنگ سیکٹر ءِ کمک ءِ سئے منوگرانی سرا دست چنگل چہ دوئیں ملکانی میان ءَ نہ ایوکا بیئپاری ءُ اقتصادی سیادی تہ ودکی رسیت۔مزن وزیرءَآئی جے سی ءِ 11می دیوان ءِ تہ بوتگیں پیسلہ ءَ را ساڑاتگ ءُ یکجایں بزنس کونسل ءِ ہروھد برجمداری ءِ سرا تسلہ ءِ درشان کتگ۔ایشی ءَ چہ دوئیں ملکانی بزنس مین ءَ را یک دومیگ ءِ نزیک آھگ ءِ موہ رسگ انت۔ قازقستان ءِ نائب مزن وزیر ءَ ڈلے پُرشانیں وش اتک سرا مزن وزیر ءِ منت گپتگ انت ءُ گوشت کہ دوئیں ملکانی میان ءَ رھوت آوکیں روچاں پراھ بنت۔
