اسلام آباد۔23دسمبر (اے پی پی):مزن وزیر محمد شہباز شریفءَ گوشت کہ ڈن ملک ءَ نشتگیں پاکستانی مئے باز مزنیں مڈی انت، ایشانی فلاح ءُ بہبود ءُ حقانی رکھگ مئے اولی دلگوشی انت۔مزن وزیر کارگس ءِ میڈیا ونگ ءَ چہ جاڑی بیان ءِ ردا اے ھیالانی درشان آہاں آدینک ءِ روچءَ ڈن ملک ءَ نشتگیں پاکستانیانی ھاترا انٹرنیشنل لیول ءِ ہاوسنگ آسراتی ءِ ہڈ دیگ ھاترا مزن تکی دیوان ءِ سروکی کنان ءَ کتگ انت۔ کیپٹل ڈیویلپمنٹ اتھارٹی ءِ واکداراں اے ھوالہ گوں مزن وزیر ءَ را بریفنگ داتگ۔دیوان ءِ تہ ھزانگ وزیر محمد اسحاق ڈار، مزن وزیرءِ صلہ کار احد چیمہ،ھاسیں کمکار طارق باجوہ، پیسریگیں باسک اسمبلی ڈاکٹر طارق فضل چوہدری، انجم عقیل، چیئرمین سی ڈی اے کیپٹن (ر) محمد عثمان یونس ءُ دگہ ہمگرنچیں واکداراں بھرزوراتگ۔مزن وزیر ءَ گوشت کہ ڈن ملک مءَ نشتگیں پاکستانی ءَ را میاں اوستمانی لیول ءِ ہاوسنگ آسراتی پھجارگ مئے اولی دلگوشی انت۔
