گاڈی ءِ چیکنگ نا وخت آ دھماکہ مس ہراٹی اسہ پولیس کارندہ اس شہید وخت اس کہ 6 ٹھپی مسر، رانا ثناء اللہ خان

اسلام آباد۔ 23 دسمبر (اے پی پی) بنجائی وزیر داخلہ رانا ثناء اللہ خان پارینے کہ بارود آن پُر گاڈی ٹی چیکنگ نا وخت آ دھماکہ مس ہراٹی اسہ پولیس کارندہ اس شہید وخت اس کہ 6 ٹھپی مسر، بارود آن پُر گاڈی اسلام آباد اٹی ہائی ’ویلیو ٹارگٹ‘ ءِ شست کننگ کن روانہ کننگاسس، اسلام آباد پولیس نا کارندہ جان نا قربانی ترسا دہشت گردی نا بھلو کارروائی اسے بے سہب کریر۔ جمعہ نادے آ تینا بیان اٹی بنجائی وزیر داخلہ رانا ثناء اللہ خان پارے کہ اینو سہب انا بارود آن پُر گاڈی راولپنڈی آن اسلام آباد اٹی پترینگا ہراٹی اسہ نرینہ و نیاڑی دہشت گرد اس سوار ئسر۔ بارو د آن پُر دا گاڈی آئی جے پرنسپل روڈ راولپنڈی آن سیکٹر آئی ٹین، اسلام آباد اٹ پترینگا۔ ایگل اسکواڈ گشت اٹی شکبر تکسا داگاڈی ءِ توریر، ہنداوخت آ گاڈی ٹی دھماکہ مس ہراٹی اسہ پولیس کارندہ اس شہید و 6 ٹھپی مسر۔ وزیرداخلہ رانا ثناء اللہ خان پارے کہ پولیس نا فرض شناسی آن اسلام آباد بھلو شکست اسے آن بچا۔ فرض شناسی آ اسلام آباد پولیس ءِ خراج تحسین پیش کیوہ۔ اوپارے کہ شید عدیل حسین ءِ شہداء پیکج تننگک۔ وزیرداخلہ نا شہید نا خاہوت تون ہمدردی نا درشانی ءِ کرے و ٹھپی تا زوت دراخ جوڑی کن دعا کرے۔ اوپارے کہ ٹھپی تے گچین طبی امداد تننگ انگ ءِ۔