اسلام آباد۔ 23 دسمبر (اے پی پی) اسپیکر قومی اسمبلی راجہ پرویز اشرف سیکٹر آئی ٹین، اسلام آباد اٹی خودکش دھماکہ نامذمت ءِ کرسا اونا نتیجہ ٹی پولیس کارندہ غاتا جانی نسخان آ ڈکھیائی و است ہسونی نا درشانی ءِ کرینے۔ جمعہ نادے آ تینا بیان اٹی اودھماکہ ٹی ٹھپی مروک آ پولیس کارندہ غاتا زوت دراخ جوڑی کن دعا کرے و شہید مروک آ پولیس کارندہ نا خاہوت تون …
اسپیکر قومی اسمبلی راجہ پرویز اشرف و ڈپٹی اسپیکر زاہد اکرم درانی نا کنڈآن سیکٹر آئی ٹین اٹی خودکش دھماکہ نا مذمت
اسلام آباد۔ 23 دسمبر (اے پی پی) اسپیکر قومی اسمبلی راجہ پرویز اشرف سیکٹر آئی ٹین، اسلام آباد اٹی خودکش دھماکہ نامذمت ءِ کرسا اونا نتیجہ ٹی پولیس کارندہ غاتا جانی نسخان آ ڈکھیائی و است ہسونی نا درشانی ءِ کرینے۔ جمعہ نادے آ تینا بیان اٹی اودھماکہ ٹی ٹھپی مروک آ پولیس کارندہ غاتا زوت دراخ جوڑی کن دعا کرے و شہید مروک آ پولیس کارندہ نا خاہوت تون ہڑزخواہی نا درشانی ءِ کرے۔ اوپارے کہ دہشت گردی نا واقعہ غاک ملک دشمن زموار آتا کارروائیک ءُ، کانود نافذ کروک آ ادارہ غاک شرپسند زموار آتے دزگیر کرسا کانود نا رداٹ اوفتے اوفتا کروک نا سزا ایتر۔ اسپیکر قومی اسمبلی شہید مروک آ پولیس کارندہ غاتا درجہ غاتا بڑزی و پدسلوک آتے دا بے بدل نسخان ءِ سگنگ کن صبر و جمیل عطا کننگ نا دعاہم کرے۔ ڈپٹی اسپیکر قومی اسمبلی زاہد اکرم درانی ہم بمب دھماکہ نا مذمت ءِ کرے و دانا نتیجہ ٹی شہید مروک آ پولیس کارندہ غاتا جانی نسخان آ است ہسونی نا درشانی ءِ کرے۔ ڈپٹی اسپیکر شہید آتا خاہوت تون ہم دلی ہمدردی نا درشانی ءِ کرے۔ ڈپٹی اسپیکر دھماکہ ٹی ٹھپی مروک آتا زوت دراخ جوڑی کن دعا کرے۔
