بنجائی وزیر حوالکاری مریم اورنگزیب نا پی ٹی آئی چیئرمین نا بیان آ ردعمل

اسلام آباد۔ 23 دسمبر (اے پی پی) بنجائی وزیر حوالکاری و شینکاری مریم اورنگزیب پارینے کہ عمران خان نواز شریف نا مینڈیٹ ءِ دُزی کرسا ملک آ مسلط مسوسس، ہراگڑا تینا مف اصل مالک ءِ پدی تروئی تمک۔ جمعہ نادے آ پی ٹی آئی چیئرمین عمران خان نا بیان آ ردعمل نا درشانی ءِ کرسا اوپارے کہ عمران خان نے سما ءِ کہ نا اقتدار ایوان اٹ گیشتری ءِ گوہنگ آن چٹا، عمران خان تینا حکومت ءِ تینا دروغ، کرپشن و نابودی آن چٹفے، 100 درسد پاکستانی پارہ کہ ملکی ویل آتا ایسری بیرہ شفاف گچین کاری ءِ ولے آئینی مد پورو مننگ آ اکتوبر 2023ء ٹی ۔ اوپارے کہ عمران خان الس دشمنی و آئین شکنی کرے و ملک انا فائدہ غاتون گوازی کرے۔ اوپارے کہ اینو 23 دسمبر ءِ، پنجاب و خیبرپختونخواہ اسمبلیک؟ اوپارے کہ ملک ءِ مین اٹی بٹوک آ اَریفک کہ کنے انت اکن کشار، ملک ءِ تاریخی وام تا گواچی کرے و پاہک کہ کنے انت اکن کشار۔ اوپارے کہ عمران خان زرگزرانی بھسکاری کرے، الس ءِ تاریخی کبینی نا مین اٹ دِکہ تس و داسہ اَریفیسہ کہ کنے انت اکن کشار؟ بنجائی وزیر حوالکاری پارے کہ عمران خان قومی فائدہ غاتون گوازی کرے،کشمیر نا سودا ءِ کرے و اَریفک کہ کنے انت اکن کشار۔ اوپارے کہ دا ملک و الس نا آخا عمران خان نا اناتکبر، پھسات، سازش و لٹ و پُل نا جنگ ءِ۔ عمران خان! دا جنگ احتساب آن نروک و ملک و توشہ خانہ ءِ پلوک آتا برخلاف ءِ، عمران صاحب! نے ڈیل ملک و نئے ڈھیل۔ اوپارے کہ عمران خان نا لُٹ و پل نا حکومت ءِ بے پتی نا وونٹ انا آئینی وڑاٹ اینک کننگا، بہروپیہ نا اصل دروشم ءِ خنسا اونا سیوتی و اونا مخلوق اودے ایوان آن پیشن کشار۔ اوپارے کہ عمران خان نا لُٹ وپل ملک انا روزگار ءِ بھس کرے۔