شونداری نا عمل زالبول آتا بشخ ہلنگ آن بیدس سرسہب مننگ کپک، ورناتے مثبت سوچ اتون مون آ بروئی مریک، احسن اقبال

اسلام آباد۔ 23 دسمبر (اے پی پی) بنجائی وزیر ڈٹ بندی و شونداری پروفیسر احسن اقبال پارینے کہ شونداری نا عمل اٹی زالبول آتا بشخ ہلنگ آن بیدس شونداری نا عمل سرسہب مننگ کپک، مستین اٹ زالبول آتے ہمو وارخواہی ملنگ کتو ہرانا سوب آن صنفی امتیاز اٹی ودکی مس، زالبول آک اینو زند انا ہر بشخ اٹی تینا پبی کڑد ءِ ادا کننگ اٹی  ءُ، ورناتے مثبت سوچ اتون مون آ بروئی مریک۔ داخیال آتا درشانی ءِ او جمعہ نادے آ 16 دے ئی صنف انا بنداو آ بیدادی نا بابت آگہی مہم نا بابت وومین یونیورسٹی راولپنڈی ٹی تران کرسا کرے۔ وزارت ڈٹ بندی نا راج آن زالبول آتا برخلاف بیدادی نا توننگ کن اہم گام کرینے، چندی جامعہ غاتیٹی ینگ ڈویلپمنٹ فیلوز آک آگہی مہم اس چلیفیر۔ بنجائی وزیر پارے کہ شونداری نا عمل اٹی زالبول آتا بشخ ہلنگ آن بیدس شونداری نا عمل سرسہب مننگ کپک، مستین اٹی زالبول آتے ہمو وارخواہی ملنگ کتور ہرافتا سوب آن صنفی امتیاز اٹی ودکی مس، زالبول آک اینو زند انا ہر بشخ اٹی  تینا پبی کڑد ءِ ادا کننگ اٹی ءُ، ورناتے مثبت سوچ اتون مون آ بروئی مریک۔ اوپارے کہ زالبول آتا ہر بشخ اٹی اواری کن وزارت ڈٹ بندی ٹی جینڈر یونٹ اس جوڑ کرینن، ہر شونداری ڈٹ ءِ زالبول آتا شونداری تون ہم گرنچ کننگک، اسلام زالبول آتے ہمو حق آتے تس ہرااسہ مذہب اسے ٹی ہم ملپسہ، زالبول آتا برخلاف بیدادی ناقابل سگ ءِ۔ احسن اقبال پارے کہ راج انا ایلیٹ تپہ ٹی زالبول آتا برخلاف بدترین تشدد نا واقعہ غاک گڑتی نا قابل ءُ، پاکستان نا آئین و کانود زالبول آتے بے خوف و خلیس ہر بشخ اٹی تینا کڑد ءِ ادا کننگ نا رکھ فراوان کیک، ننا 2013 آن 2018 خواری آ تدوک آ چار سال اٹی دیر شاغنگا، تدوک آ دور اٹی سی پیک نا رداٹ 29 ارب ڈالر نا زرکاری ایسُن، چین ءِ تدوک آ حکومت غیر زموارانہ بیان بازی اٹ ناراض کرے، بنجائی وزیر پارے کہ پاکستان ءِ شونداری نا کسر آ اتنگ کن اجتماعی لائخی ءِ گچین کننگ ءِ ورناک راج اٹ تعصب و خار تالان کروک آزموار آتیان تینے رکھ تخر، ننے اختلاف رائے تخنگ آن پد ہم ملک ءِ مون تروک تنکی تیان کشنگ کن اواری اٹ کاریم کروئی ءِ، اینو پاکستان ءِ سیوت و یکجہتی نا گرج ءِ، ننا اولیت ورناتے گچین تعلیم و ٹیکنالوجی آن آراستہ کننگ ءِ ، ایٹمی پاور آن پد داسہ انفارمیشن پاور جوڑ مننگ اولیت ءِ۔