لاہور۔ 14مئی (اے پی پی) مسلم لیگ ن نا باسک پنجاب اسمبلی آزاد علی تبسم پارینے کہ چائنہ پاکستان اکنامک کوریڈور نا پوروی آن ڈیہہ ٹی تاریخ نا دنگ بدلینگک۔ ننا حکومت بیرہ چین نا ستائِ کپک بلکن بھاز انگا گڑاتے ہیل کننگ نا ہم کوشست کیک۔ چین داوخت پاکستان تون سنگتی نا حق ئِ ادا کرینے ہراتم ننے دہشت گردی و توانائی تنکی نا مون تروکی ئس ، سی پیک چین نا صدر ، وزیراعظم و حکومت نا پاکستان کن اسہ عظیم ئُ ٹیکی اسے و پاکستانی قوم چین نا دا تاریخ ساز ٹیکی ئِ وخت اس ہم است آن دننگ کپک، سی پیک نا ڈٹ پاکستان نا شونداری و شونہالی نا ضامن ئِ و ہڑتوم آ ملک آتا ودوک آ معاشی کمکاری نا مظہرئِ ، چائنہ پاکستان اکنامک کوریڈور نا پوروی آن ڈیہہ ٹی تاریخ نا دنگ بدلینگک و پاکستان تون اوار ڈیہہ ٹی چندی ملک آتا برآمد آتے مون آ دننگ دوئی مریک۔ دا عظیم ڈٹ آن روزگار نا وارخواہی ودی مریک و انتہاپسندی نا رجحان چٹک۔
