سی پیک نا رداٹ آئی ٹی انڈسٹری و ڈیجیٹل اکانومی نا ملکی زرگزران اٹی اہم کڑد، 2021-2022نا اولیکو 11 تُو اٹی ٹیلی کام ، کمپیوٹر و انفارمیشن سروس آتا برآمد آتیٹی 25.45 درسد ودکی مس، پی بی ایس

اسلام آباد۔ 22 دسمبر (اے پی پی) چین پاکستان اقتصادی راہداری (سی پیک) ڈٹ انا رداٹ آئی ٹی انڈسٹری و ڈیجیٹل اکانومی ٹی مثبت پیش رفت ملکی زرگزران اٹی اہم کڑد ادا کرینے، مالی سال 2021-2022نا اولیکو 11 تُو اٹی پاکستان نا ٹیلی کمیونیکیشن، کمپیوٹر و انفارمیشن سروس آتا برآمد آک 25.45 درسد شرح نمو اتون 2.381 ارب ڈالر ئسر ہرا تدوک آ مالی سال انا ہندا مد اٹی 1.898 بلین ڈالر ئسر۔ قومی ادارہ شماریات نا رداٹ سی پیک ڈٹ آ مثبت پیش رفت پاکستان اٹی آٹومیشن ، ای گورننس، ای کامرس، آئی ٹی پارکس، ریسرچ اینڈ ڈویلپمنٹ ، انٹرنیٹ و کمپیوٹر ٹیکنالوجی آ 2023 کن لچکدار شونداری و پیش رفت نا انداز قائم کرے۔ جولائی 2022 اٹی اولیکو چائنا پاکستان ٹیکنالوجی انویسٹمنٹ کانفرنس ءِ ، اسپیشل ٹیکنالوجی زونز اتھارٹی، چین اٹی پاکستانی سفارت خانہ، اسلام آباد اٹی وزارت خارجہ و ژونگ گوانکون بیلٹ اینڈ روڈ انڈسٹریل پروموشن ایسوسی ایشن  ئسک اسیجائی وڑاٹ اڈتسوسر، کانفرنس اٹی آئی ٹی و ڈیجیٹل اکانومی آ سی پیک نا رداٹ کمکاری آن فائدہ ہرفسا دا پیشن گوئی کننگانے کہ 2025 اسکان پاکستان نا آئی ٹی انڈسٹری نا کل مالیت 10 بلین ڈالر اسکان سرمریک۔ ملک اٹی داوخت آ 2،000 آن زیات سافٹ ویئر آر اینڈ ڈی ہند ءُ، پاکستان دنیا ٹی مفت آئی ٹی پریکٹیشنر آتیکن چارمیکو بھلا ہند ءِ ، چندی سٹریٹجک، شونداری و واپاری گرج آتا سوب آن ، سی پیک و اوکان مون اکن آئی ٹی نا بشخ انا شونداری آ خاص چکار کننگ ءِ۔ پی بی ایس نا پاننگ ءِ کہ مالی سال 2021-2022نا اولیکو 11 تُو اٹی پاکستان نا ٹیلی کمیونیکیشن ، کمپیوٹر و انفارمیشن سروس آتا برآمد آک 25.45 درسد نا شرح نمو اتون 2.381 بلین ڈالر ئسر ہرا تدوک آ مالی سال انا ہندا مد اٹی 1.898 بلین ڈالر ئسر۔ ہڑتوم آ ملک آتا نیام اٹ 2022 اٹی آئی ٹی و اوکان مون انا بابت بھاز انگا قول و معاہدہ پک مس، داسہ 2023 اٹی ننے آئی ٹی نا بشخ اٹی کمکاری ءِ ودفسا تینا مسکوہی کاریم ءِ سوگو کننگے۔ دنیا ٹی آئی ٹی نا بشخ اٹی بھاز گڑا مننگ ءِ ، مثلا ہائبر ڈیاملٹی کلاڈ مینجمنٹ ٹیکنالوجی ، ٹولز و وڑوڈول آخبت خڑک اٹی 70 درسد کاروبار ءِ کاریم اٹ اتیک۔ 100 گنا ترند رفتاری نا گمان آتون فائیو جی نیٹ ورک نا رفتار فراوان کیک ہرا ساڑی آ ایل ٹی وی فورجی نیٹ ورک آتا مقابلہ ٹی کم و ود دہ گناترند ءِ۔ اکتوبر 2022 اٹی چین اٹی پاکستانی سفیر معین الحق پاریسس کہ ہڑتوم آ ملک آک مسہ پوسکن آ کوریڈور جوڑ کننگ نا فیصلہ کرینو ہرافتے ٹی چائنا پاکستان ڈیجیٹل کوریڈور ہم اوار ءِ ہراڑان انفارمیشن ٹیکنالوجی نا چندی صنعت آتیٹی کمکاری ءِ گچین کننگ اٹ کمک رسینگک۔ مارچ 2023 اٹی مصنوعی ذہانت نا بابت جہانی کانفرنس مریک ہراٹی ہندی و درملکی کاروبار بشخ ہلیرہ۔ نومبر 2022 اٹی اسہ پین بھلو خوشخبری اس بس ہراتم چین پاکستان سائنس و ٹیکنالوجی کوآپریشن سینٹر نا بیجنگ اٹی بنا ءِ سفیر معین الحق و چنگ گوان سن بیلٹ اینڈ روڈ انڈسٹریل پرموشن ایسوسی ایشن (زیڈ بی آر اے) نا صدر چنگ شیاوڈونگ ئسک کریر وخت اس کہ خصوصی ٹیکنالوجی زونز اتھارٹی پاکستان تون عملی وڑاٹ اوار مس۔ کراچی نا آئی ٹی پارک یانزدہ مزلہ ماڑی ءِ ہرانا رقبہ 106،449 مربع میٹر ءِ ، ٹیکنالوجی پارک کم وود 225 سٹارٹ اپس ، چنک آن نیامی درجہ نا کاروباری ادارہ و ایلو ذیلی آسراتی کون آ ٹیسٹنگ لیبارٹریز ، کلاس رومز، انڈسٹری اکیڈمیالنکیج سینٹر و آڈیٹوریم ءِ دفتر نا جاگہ فراوان کیک۔ سرکاری حوالی نا رداٹ دا چینی کمپنی تے ہندی کمپنی تتون پٹ وپول و شونداری، ٹیکنالوجی نا شریداری ءِ مون آ دننگ تون اوار اوار آئی ٹی برآمد آتے مون آ دننگ کن اسہ پلیٹ فارم اس فراوان کیک۔ کراچی ٹی پاکستان نا غٹ آن بھلا انفارمیشن ٹیکنالوجی پارک ڈٹ جون 2026 اٹی پورو مننگ نا اومیت ءِ، داوخت آ چنکا شار تیٹی 22 سافٹ ویئر ٹیکنالوجی پارکس کاریم کننگ اٹی ءُ و حکومت دسمبر 2022 اسکان ٹیکنالوجی پارک آتا کچ 40 اسکان دننگ نا ہدف مقرر کرینے۔