اسلام آباد۔ 22 دسمبر (اے پی پی) وزیرخارجہ بلاول بھٹو زرداری تون متحدہ عرب امارات نا وزیر خراجہ امور و جہانی کمکار شیخ عبداللہ بن زاید النہیان ٹیل فون آ گپ وتران کرینے۔ گپ وتران اٹی ہڑتوم آ راہشونک اوغانستان اٹی مروک آ پیش رفت و اوغانستان نا یونیورسٹی تیٹی مسن و زالبول آتا تعلیم آ پابندی نا طالبان تا فیصلہ غا گپ وتران کریر۔ ترجمان دفترخارجہ نا رداٹ ٹیل …
وزیرخارجہ بلاول بھٹو زرداری تون اماراتی ہم منصب شیخ عبداللہ بن زاید النہیان نا ٹیل فون آ رابطہ
اسلام آباد۔ 22 دسمبر (اے پی پی) وزیرخارجہ بلاول بھٹو زرداری تون متحدہ عرب امارات نا وزیر خراجہ امور و جہانی کمکار شیخ عبداللہ بن زاید النہیان ٹیل فون آ گپ وتران کرینے۔ گپ وتران اٹی ہڑتوم آ راہشونک اوغانستان اٹی مروک آ پیش رفت و اوغانستان نا یونیورسٹی تیٹی مسن و زالبول آتا تعلیم آ پابندی نا طالبان تا فیصلہ غا گپ وتران کریر۔ ترجمان دفترخارجہ نا رداٹ ٹیل فون آ رابطہ ٹی پاکستان و متحدہ عرب امارات نا وزیرخارجہ غاک اوغانستان اٹی سلامتی ، سوگوی و امن نا مخ تفی ٹی تینا سوگو موقف نا درشانی ءِ کرسا اوغان الس ناپائیدار آخبت کن جہانی کوشست آتے مون آ دننگ و زالبول آتا حق انا رکھ ءِ پک کننگ نا گرج اتون اوار اوار زند انا غٹ بشخ آتیٹی زالبول و مسن تا پورو و بریبر بشخ ہلنگ نا اہمیت ءِ مسلم گوندسا ہڑتوم آ راہشونک پاریر کہ اسلام زالبول آتے اسہ اہم ءُ ہند اس تسنے و اوفتا حق انا رکھ اکن زور شاغک۔ وزیرخارجہ بلاول بھٹو زرداری و شیخ عبداللہ بن زاید النہیان گپ وتران اٹی اوغانستان اٹی سلامتی، سوگوی و امن نا مخ تفی ٹی تینا سوگو موقف و اوغان الس نا پائیدار آخبت کن جہانی کوشست آتے مون آ دننگ آ ہم زور شاغا۔
