اوورسیز آتا ویل آتا ایسری کن حکومت دے ونن کاریم کننگ اٹی ءِ، ساجد حسین طوری

لاہور۔ 22 دسمبر (اے پی پی) بنجائی وزیر سمندر پار پاکستانیز و شونداری انسانی وسیلہ ساجد حسین طوری پارینے کہ پوسکن آ پروجیکٹ اٹی اوورسیز آتا حق  جوڑ مریک، اوورسیز آتا ویل آک بھاز زیات ءُ  واوفتا ایسری کن ننا وزارت دے و نن کاریم کننگ اٹی ءِ۔ داخیال آتا درشانی ءِ او پنچ شنبےنادے آ داڑے اوورسیز پاکستانیز فاؤنڈیشن (اوپی ایف) ہاؤسنگ اسکیم فیز (ون) خیابان جناح ٹی ہائی رائز کمرشل بلڈنگ نا بنداو ءِ تخنگ نا دود آن تران کرسا کرے۔ دود اٹی ذوالفقار بدر،سیدہ فاطمہ حسن، ڈاکٹر عالم شیر و اوپی ایف نا آفیسر آک بشخ ہلکر۔ بنجائی وزیر ساجد حسین طوری پارے کہ اوورسیز آتا ویل آتا ایسری کن ننا عملہ دے و نن کوشست کننگ اٹی ءِ ، اوورسیز آتا کیس آتا ایسری کن اسپیشل کورٹ آتا سمری منظوری کن پارلیمنٹ آ گدریفینن تانکہ 6 تُو اٹی اوفتا ویل آک ایسر مننگ کیر۔ اوپارے کہ اوپی ایف نا اسکیم تیٹی اوورسیز آتے زرکاری کن پبی وارخواہی فراوان کننگک و دا چرجوئی ٹی اوورسیز آتے این او سی تننگ نا بابت غٹ اڑاند آتے مر کننگک۔ بنجائی وزیر پارے کہ اوورسیز آتا چناتے مون تروک تعلیمی ویل آتے ہم ایسر کننگک۔ اوفتے ایچ ای سی نا کمک اٹ اسکالرشپ و پیشن نا ملک تعلیم نا وارخواہی فراوان کینہ وخت اس کہ اسکول و کالج آتیٹی مقابلہ نا امتحان اڈتننگ انگ ءِ۔ اوپارے کہ آذربائیجان ، کوریا، رومانیہ و ایلو ملک آتیٹی نن تینا کسبکار بندغ آتے گدریفینہ، آئی ٹی و ایلو بشخ آتیٹی دہ لکھ مخلوق ءِ پیشن گدریفنگ نا ٹارگٹ ءِ، او پی ایف اسکیم تیٹی شونداری کاریم تے جنوری 2023 اسکان پورو کننگک، گلبرگ اٹی اوپی ایف نا پراپرٹی آ مزور تپہ کن ڈٹ تیار کینہ، ٹیکسلا ٹی 500 فلیٹ تیار کرسا پنجاب حکومت نا دوٹی تسونن۔ بنجائی وزیر پارے کہ خیبرپختونخوا ٹی ہم فلیٹ جوڑ کننگانے، مچ آ ملک اٹی پنچ ءُ نیم ہزار فلیٹ فروری ٹی ورکرآتا دوٹی تننگک وخت اس کہ ورکرآتیکن ہسپتال، اسکول و ایلو آسراتی ڈٹ ہم جوڑ کننگ اُن۔ ایسر اٹ بنجائی وزیر بلڈنگ نا بنداو ءِ تخا۔