اسلام آباد۔21دسمبر (اے پی پی): مزن وزیر محمد شہاز شریف ءَگوشت کہ حکومت ھاٹیگ ءِ رکھینگ ءِ واستہ جوانیں ھاٹیگ ءُ آسراتی ءِ رد ءَ دلگوشی انت،ھاٹیگ ءِ بچت ءِ پلان ءِ پکوئیں پد ءُ رندی ءَ چہ گران بھائیں آسراتی ءِ بچت ءُ ھاٹیگ ءِ ڈکال ءَ گوں گیش ءُ گیوار بوھگ ءَ کمک رسیت۔ چار شمبے ءِروچءَ وتی یک ٹویٹے ءَ مزن وزیر ءَ گوشت کہ ھواریں حکومت جوانیں آسراتی آنی وسیلگ ءَ انرجی مکس ءِ جوڑ کنگ ءَ انت ایشی ءَ چہ ھاٹیگ ءِ رکھینگ ءِ واستہ ارزشتی انت، ھندی آسراتی آنی بڈو بوھگ ءَ را گیش ودینگ بہ بیت، ایشی ءَ چہ لس مردمآناں ریلیف رسیتءُ گران قیمتی زر امبار ءِبچت بیت۔ مزن وزیر ءَ گوشت کہ بنجاھی کابینہ ءَ ھاٹیگ ءِ رکھینگ ءِ منصوبگ ءِ سر ءَ پکوئی ءَ گوں چار ءُ بچار کتگ۔ صوبگ آناں دل یکیمی ءَ زورگ ءَ چہ پد پلان ءِ منظوری دیگ بہ بیت، لس گامگیج آنی ضلورت انت، ایشی ءِ جوانیں برجائیءَ چہ قیمتی آسراتی ءِ رکھینگ ءُ ھاٹیگ ءِ ڈکالءَ گوں گر ءُ چیل بوھگ ءَ کمک رسیت۔
