اسلام آباد۔21دسمبر (اے پی پی): بنجاھی وزیر تہی کار رانا ثنا ء اللہ ءَ بنوں ءَ ناشرکار آنی ھلاپ ءَ کامیاتیں آپریشن ءِ پد ءَ سیکورٹی فورسز آناں توسیپ ءُ ستا پیش کنان ءَ گوشتگ کہ ناشرکار آنی ھلاسی اولی راجی کار انت۔ چار شمبےءَ وتی بیان ءَ وزیر ءِ تہی کار رانا ثنا ء اللہ خان ءَ گوشت کہ آوار جتگیں مردم آنی یلوئی ءِ پد ءَ سیکورٹی فورسز آناں مبارک بات پیش کناں۔ آئیءِ کزبی ازمکاری توسیپی انت۔ آئیءَ گوشت کہ شہید راج ءِ بامرد انت ۔ مارا آوانی دلیری ءِ سر ءَ پھر انت۔ آئیءَ گوشت کہ 2014 ءِ جوزگ ءَ چہ ناشرکاری ءِ ھلاسی ءِ واستہ جہد ءُ کوشست کناں۔ آئیءَ گوشت کہ ناشرکاریءِ واکیہ آنی سرجمیں ھلاسی ءِ واستہ مھکمیں گامگیج کنگ ءَ آں۔ آئیءَگوشت کہ سر وزیر خیبر پختونخوا صوبگ ءَ ایمنی ءُ نہ وشی ءِھرابیں جاور ھال آنی سر ءَ دلگوش دنت۔ وزیر ءِ تہی کار ءَ ناشرکار آنی ھلاپ ءَ آپریشن ءَ ٹپیگ بوھوکیں مردم آنی جان سلامتی ءِ واستہ دعا ءِ نیک کت۔
