اسلام آباد۔21دسمبر (اے پی پی): وزیر ءِ درئیکار وزیر درئی کار بلاول بھٹوزرداری ءَ امریکی وزیر درئی کار انٹونی بلنکن ءَ گوں پاکستان ءَ سیلاپ ءَ چہ بوھوکیں تباہی ءُ آماچیں دمگ آنی برجائی ءَ ھوار جتا جتائیں کار آنی ھوالگ ءَ ھیال ریچی کت۔ چار شمبےءَ ترجمان درئی کارانی کارگسءِ نیمگ ءَ جاڑی بوتگیں ھیال ریچی کنگ بوت۔ بیان ءِ رد ءَ دوئیں نیمگ ءَ دو نیمگی یکوئی پازیٹیو رپک ءَ دل یکیمی ءِ درشان کت ءُ دراجبریں ایجنڈاآنی ردءَ پد ءُ رندیءَ وت مہ وتی واھشتآنی درشان کت۔ وزیر ءِ درئی کار ءَ بلاول بھٹو زرداری پاکستان ءَ سیلاپ ءَ چہ پد 97 ملین ڈالر ءِ بنی آدمی کمک پجاری کنگ ءِ پدءَ امریکی حکومت ءِ شگر ءُ منت واری گپت۔ آئی ءَ امریکی وزیر ءِ درئی کار انٹونی جے بلنکن ءَ را پاکستان ءِ نیمگ ءَ برجائی ءُ آماچیں دمگ آنی برجائی ءُ آماچیں دمگ آنی تہءَ نوک جوڑیشت ءِ واستہ کتگیں گامگیج آنی بابت ءَ سرپد کت۔ آئی ءَ امریکی وزیر ءِدرئی کار ءَ را 9 جنوری 2023 ءَ جنیوا ءَ پاکستان ءِ برجائی ءُ جوڑیشت ءِ واستہ کتگیں کوشست آنی تہ ءَ کمک ءِ واستہ برجم بوھوکیں میاں اوستمانی کانفرنس ءِ بابت ءَ سرپد کت۔ امریکی وزیر ءِ درئی کار ءَ اے موہ ءِ سر ءَ پاکستان ءَ را سیلاپ ءِ آماچیں مردم آنی برجائی ءُ نوک سر جوڑیشت ءِ جیڈھ ءَ را سہرا کنگءِ پد ءَ امریکی انتظامیہ ءِ یک شلیں کمک کنگءِ جزم ءِ درشان کت۔
