اسلام آباد۔21دسمبر (اے پی پی): بنجاھی وزیر اھوالکاری ءُ شنگ کاری مریم اورنگزیب ءَ سلاھ بندیں ارد آنی نیمگءَ اینکر پرسن شفا یوسفزئی ءِ گس ءَ پترگ ءُ گس ءِ مزور آناں لٹ ءُ کٹ کنگ ءَ را مذمت کتگ۔ چار شمبے ءَ اینکر پرسن شفا یوسفزئی ءَ گوں ٹیلی فون ءِ سر ءَ تران کنان ءَ بنجاھی وزیر اھوالکاری ءَ گوشتگ کہ پولیس ءَ واکیہ ءِ پٹ ءُ پول ءَ کنگ ءَانت، پولیس ءَ ملزم آناں زوت دزگیر کنگ ءِ پنت ءُ شون جاڑ ی کتگ۔ آئیءَ شفا یوسفزئی ءُ آئی ءِ گسءِ مردم آنی گوما یکوئیءِ درشان کتگ۔ شفا یوسفزئی ءَ بنجاھی وزیر اھوالکاری ءَ گوشتگ کہ واکیہءِ وھد ءَ آ گس ءَ ساڑی نہ بوتگ۔ ملزم آں گسءِ نوکر آناں لٹ ءُ کٹ کتگ ءُ آئی ءَ را دھمکی داتگءُ شتگ۔ شفا یوسفزئی ءَ گوشتکہ ناشرکار آں گس ءِ توکءَ پترت نہ کتگ ءُ جستگ انت۔ بنجاھی وزیر اھوالکاری ءَ گوشت کہ اے رنگیں واکیہ آناں گر ءُ دار کنگ بہ بیت۔
