اسلام آباد۔ 19 دسمبر (اے پی پی) پاکستانی کرنسی ٹی ملکی برآمد آتیٹی برجامالی سال انا اولیکو پنچ تُو اٹی سالانہ بنداوتیا 28.43درسد نا نمو ریکارڈ کننگانے۔ پاکستان بیورو شماریات نا کنڈآن دا بابت جاری کروک حساب وکتاب نا رداٹ جولائی آن ہلیس نومبر 2022اسکان نا مد اٹی پاکستانی کرنسی ٹی برآمد آتا کچ 2661304ملین روپئی ریکارڈ کننگا ہرا تدوک آ مالی سال انا ہند امد انا مقابلہ ٹی 28.43درسد زیات ءِ، تدوک آ مالی سال انا ہندا مد اٹی ملکی برآمد آتا کچ 2072145ملین روپئی ریکارڈ کننگاسس، نومبر 2022اٹی ملکی برآمد آتیٹی سالانہ بنداو تیا 5.89درسد نا نمو ریکارڈ کننگا، نومبر اٹی ملکی برآمد آتا کچ 531599ملین روپئی ریکارڈ کننگا ہرا تدوک آ سال نومبر اٹی 502009ملین روپئی ئسک۔ اکتوبر نا مقابلہ ٹی نومبر اٹی ملکی برآمد آتیٹی ماہانہ بنداو تیا 1.10درسد نا نمو ریکارڈ کننگانے، اکتوبر اٹی ملکی برآمد آتا کچ 525838ملین روپئی ئسک ہرا نومبر اٹی ودسا 531599ملین روپئی مس۔
