اقتصادی راہداری ڈٹ انا رداٹ کراچی سرکلر ریلوے ڈٹ انا بنداو ئِ اینخو سال انا آخر اٹی تخنگک، حکومت سندھ پاک چین سنگتی و سی پیک ڈٹ آ بنجائی حکومت تون تفوک ئِ، سنٹرل ڈویلپمنٹ ورکنگ پارٹی ڈٹ انا منظوری ئِ تسنے و دسمبر نا آخر اسکان کاریم نا بناءئِ کننگ نا ارادہ ئِ
بیجنگ۔ 14مئی (اے پی پی) وزیراعلیٰ سندھ سید مراد علی شاہ پارینے کہ اقتصادی راہداری ڈٹ انا رداٹ کراچی سرکلر ریلوے ڈٹ انا بنداو ئِ اینخوسال انا آخر اسکان تخنگک، حکومت سندھ پاک چین سنگتی و سی پیک ڈٹ آ بنجائی حکومت تون ہم کوپہ سلوک ئِ ۔ سنٹرل ڈویلپمنٹ ورکنگ پارٹی دا ڈٹ انا منظوری ئِ تسنے و دسمبر نا آخر اسکان دا ڈٹ آ کاریم نا بناءکننگ نا ارادہ ئِ ۔ اے پی پی تون ہیت وگپ کرسا وزیراعلیٰ سندھ پارے کہ سی پیک فریم ورک انا رداٹ حکومت سندھ کراچی سرکلر ریلوے و کے ٹی بندر ڈٹ آتا سلاہ تسوسس۔ کراچی سرکلر ریلوے نا فزیبیلٹی بیرہ مسہ تُو اٹی پورو کننگانے و دانا رپورٹ مارچ اٹی منظوری کن بنجائی حکومت ئِ گدریفنگانے۔ چینی سروک آتون وزیراعظم پاکستان نا اوڑدہی نا بابت اسہ سوج اسے نا ورندی ٹی اوپارے کہ وزیراعظم تون اوار ہر چار آ وزیراعلیٰ تا بیلٹ اینڈ روڈ فورم اٹی شرکت اسہ مثبت ئُ اشارہ اسے کہ چین اتون خڑکی دوستانہ و اقتصادی تعلقداری تیا مچ آ قوم یکجائِ۔ مراد علی شاہ پارے کہ چینی صدر خصوصی وڑاٹ فورم اٹی شریک غٹ سیاسی قوت آتا ستائِ کرینے۔ اوپارے کہ حکومت سندھ پاک چین سنگتی و سی پیک ڈٹ آ بنجائی حکومت تون ہم کوپہ سلوک ئِ۔ اوپارے کہ سی پیک ڈٹ ون بیلٹ ون روڈ پروگرام نا اہم ئُ بشخ اسے۔ سندھ حکومت پرعزم ئِ کہ دا ڈٹ پاکستان و چین ہڑتوم آتے کن مفید مریک۔ مراد علی شاہ پارے کہ او گدرینگوک آ سال دسمبر اٹی بیجنگ اٹی مروک آ جوائنٹ کوآرڈینیشن کمیٹی نا دیوان اٹی شرکت کریسس و سی پیک ڈٹ آ بنجائی حکومت تون پورو یکجہتی نا درشانی ئِ کریسس۔ وزیراعلیٰ سندھ اومیت ظاہر کرے کہ سی پیک ڈٹ مچ آ ملک اکن فائدہ مند و بھرم گیر مریک ۔
