اسلام آباد۔ 20 دسمبر (اے پی پی) بنجائی وزیر ڈٹ بندی ، شونداری، اصلاحات و خصوصی گام گیج پروفیسر احسن اقبال پارینے کہ پاکستان جغرافیائی و اقتصادی محل و وقوع آن فائدہ ہرفسا اقتصادی سرجز آتا ہند جوڑ مننگ کیک، مسلم لیگ (ن) نیشنل ہائی ویز و موٹرویز نا جال اس تالان کرے، عمران خان نا غلط پالیسی تا سوب آن اسہ ملک اس ہم زرکاری کن تیار افک۔ سے شنبےنادے آ داڑے اسلام آباد اٹی اڈ ہلوک آ دود آن تران کرسا بنجائی وزیر پارے کہ بیست ءُ یک می صدی اکنامک آئیڈیا لوجی نا ءِ، فی کس کٹیا ٹی ودکی کن غٹ ءِ خواری کروئی مریک۔ احسن اقبال پارے کہ محمد نواز شریف نا کماشی ٹی نن سی پیک نا بناءِ کرین، نواز شریف نا دور اٹی ملک اٹی بھلو کچ اسے آ زرکاری مس، نواز شریف تینا دور اٹی ملک اٹی توانائی نا ڈٹ خلک۔ اوپارے کہ مسلم لیگ (ن) نیشنل ہائی وے و موٹروے تا جال اس تالان کرے، 2018 ٹی ہر ملک پاکستان اٹی زرکاری کننگ خوائسکہ، عمران خان نا غلط پالیسی تا سوب آن اسٹ اس ہم زرکاری کن تیار اف۔ اوپارے کہ حکومت ءِ سنبھالنگ آن پد سی پیک ڈٹ اٹی ترندی ایسُن، سی پیک ڈٹ ڈیہہ ٹی گیم چینجر جوڑ مریک، پبلک سیکٹر آتا کمک اٹ ملک اٹی ڈٹ خلنگ آ چکار کننگ اُن ، 4 سال اٹی گوادر پورٹ اٹی ہچ ءُ کاریم اس کننگتو۔ احسن اقبال پارے کہ پاکستان ملک انا جیو اکنامکس آن فائدہ ہرفسا سرجزآتا ہند جوڑ مننگ کیک۔ اوپارے کہ فی کس کٹیا ءِ ودفنگ آ چکار کننگ نا گرج ءِ۔ احسن اقبال پارے کہ ننے اجتماعی کوشست کروئی مریک کہ نن زرگزرانی سیڑھی آ امر مون آ ہِننگ کینہ۔ اوپارے کہ ہندا وژن ئس ہرا چین پاکستان اقتصادی راہداری ڈٹ انا کنڈا ننا سفر نا بناءِ کرے۔ بنجائی وزیر پارے کہ مسکوہی وزیراعظم نواز شریف نا کماشی ٹی نن سی پیک نا بناءِ کرین و نن چندی شونداری ڈٹ آتیٹی 29 ارب ڈالر نا چینی زرکاری ءِ کاریم اٹ اتنگ اٹ سرسہب مسُن۔
