اسلام آباد۔ 19 دسمبر (اے پی پی) بنجائی وزیر خزانہ و محصولات سینیٹر محمد اسحاق ڈار پارینے کہ ملک اٹی درملکی زرکاری نا است بڈی ءِ کننگ کن حکومت زیات آن زیات آسراتی فراوان کیک۔ داہیت ءِ او ایٹین ایلیٹ ریئل اسٹیٹ نا سی ای او طارق حامدی تون اوڑدہی ٹی گپ وتران کرسا پارے۔ طارق حامدی مصر انا پوریاگر نجیب سوارس نا پروجیکٹ آتا نمائندگی ءِ کریکہ۔ وزیر خزانہ پارے کہ پاکستان اٹی درملکی زرکاری نا بابت گیشتر کچ ساڑی ءِ و درملکی زرکار آک ملک اٹی زرکاری کن دوئی وارخواہی تیان پبی فائدہ ہرفنگ کیرہ۔ اوپارے کہ حکومت درملکی زرکارآتے زیات آن زیات آسراتی و دوستانہ چاگڑد فراوان کننگ کن گام گیج کیک۔ اوپارے کہ واپار و زرکاری نا مون آ دننگ کن حکومت گام گیج کننگ اٹیءِ و دا چرجوئی آخبت ہم برجاسلک۔ وزیرخزانہ پارے کہ پائیدار زرگزران و اقتصادی نموکن درملکی زرکاری نا اہمیت مسلمہ ءِ و حکومت دا چرجوئی ٹی تینا کوشست آتے کننگ اٹی ءِ۔
