تھانہ برگئی سرا اُرش سرا یراد،ناشرکارانی ھلاپ ءَ راج شیلڈ جوڈ بوتگیں مئے ہیرو انت ،راج آہاں را سلام پیش کنگ انت،مزن وزیر محمد شہباز شریف

لاہور ۔18دسمبر  (اے پی پی):مزن وزیر محمد شہباز شریف ءَ خیبر پختونخوا ءِ ضلع لکی مروت ءِ پولیس اسٹیشن  برگئی سرا ناشرکاری اُرشے ایر جنان ءَ گوشت کہ پولیس ءِ افسرءُ ورناہاں ناشرکاری ءِ ھلاپ ءَ مزنیں قربانی داتگ انت،راج آہاں را سلام پیش کنگ انت،ناشرکارپاکستان ءُ مہلوک ءِ دژمن انت،ناشرکارانی ھلاپ راج شیلڈ جوڈ بیوکیں مئے ہیرو انت۔یک شمبے ءَ پی ایم آفس میڈیا ونگ ءَ چہ جاڑی بیان ءِ ردا مزن وزیر ءَ اے اُرش ءِ تہ چار پولیس کارندہاں را  خراج عقیدت پیش ءُ آہانی ھاندان ءَ گوں ہمدردی ءِ درشان کتگ۔مزن وزیر ءَ گوشت کہ پولیس ءِ افسراں ءُ ورناہاں ناشرکاری ءِ ھلاپ ءَ مزنیں قربانی داتگ انت،راج آہاں را سلام پیش کنگ انت،ناشرکارپاکستان ءُ مہلوک ءِ پچ ءِ دژمن انت،ناشرکارانی ھلاپ ءَ راج شیلڈ جوڈ بیوکیں مئے ہیرو انت۔آہانی گوشگ ات کہ ناشرکارءُ آہانی کمکار ءُ صلہ کار آنی ھلاسی مئے اولی دلگوشی انت۔آہاں گوشت کہ  خیبر پختونخوا حکومت شہید پولیس کارندہانی ھاندان ءَ را شہید پیکج دات،مزن وزیر ءَ شہیدانی تبکانی برزی ءُ ھاندان ءِ ھاترا صبر جمیل ءِ دعا کت۔