اسلام آباد۔ 14مئی (اے پی پی) اسلام آبادو راولپنڈی تون اوار بڑزکو پنجاب، فاٹا، مالاکنڈ، ہزارہ ڈویژن، کشمیر و گلگت بلتستان اٹی جاگہ جاگہ ترند تہو و ہورہ و گروک تون ہلکا پِر و ملک انا ایلو علاقہ غاتیٹی موسم پدریسہ باسن و پِر کپننگ نا گمان ئِ۔ محکمہ موسمیات نا رداٹ گدرینگوک آ 24گھنٹہ ٹی اسلام آباد و راولپنڈی تون اوار مالاکنڈ ہزارہ ڈویژن، کشمیر و گلگت بلتستان اٹی گڑاس ہندآتیا ترند تہو و ہورہ و گروک تون پِر مس وخت اس کہ ملک انا گیشتر علاقہ غاتیٹی موسم باسن و پِر کتو۔ غٹ آن زیات پِر خیبر پختونخوا نا علاقہ مالم جبہ ٹی 13، چراٹ 11، لوئیر دیر03، دیر، سیدوشریف02، و اسلام آباد گڑھی دوپٹہ ٹی 01ملی میٹر ریکارڈ کننگا۔ غٹ آن زیات درجہ حرارت جیکب آباد اٹی 45ڈگری سینٹی گریڈ ریکارڈ کننگا۔ محکمہ موسمیات نا رداٹ بروک آ 24گھنٹہ ٹی اسلام آباد و راولپنڈی تون اوار بڑزکو پنجاب، فاٹا، مالاکنڈ، ہزارہ ڈویژن، کشمیر و گلگت بلتستان اٹی جاگہ جاگہ ترند تہو و ہورہ و گروک تون ہلکا پر و ملک انا ایلو علاقہ غاتیٹی موسم پدریسہ باسن و پِر کپننگ نا گمان ئِ۔
