اسلام آباد۔17دسمبر (اے پی پی):ھزانگ ءِ بنجاہی وزیر سینیٹر محمد اسحاق ڈار ءَ گوشت کہ ملک ءِ اقتصادی دیمروئی ھاترا ھاٹیگ ءِ تک ءِ تہ گہترکاری الم انت،ہمگرنچیں واکدارھاٹیگ ءِ تک ءَ را دیم دراھیں جیڈھانی گیش ءُ گیواری ھاترا صلاح ءَ دنت۔ھزانگ ءِ بنجاہی وزیر سینیٹر محمد اسحاق ڈارءِ سروکی ءَ ھاٹیگ ءِ تک ءِ تہ گہترکاری ءِ ھوالہ چہ دیوان ھپتگ ءَ برجم دارگ بوتگ۔دیوان ءِ تہ ھزانگ ءِوزیرمملکت ڈاکٹر عائشہ غوث پاشا، وزیرمملکت برائے پٹرولیم مصدق مسعود ملک، مزن وزیر ئِ ھاسیں کمکار برائے فنانس طارق باجوہ، سیکرٹری ھزانگ، سیکرٹری پاورءُ ٹوھیں واکداراں بھرزوری کتگ۔دیوان ءِ تہ ھاٹیگ ءِ شوبگ ءِ تہ لہتیں گہترکاری دیم آرگ ءُ اے تک ءِ تہ سرکولر ڈیٹ ءُ دگہ جیڈھانی سرا ھیال ریچی کنگ بوتگ۔
